అబ్దుల్ కలాం అంత్యక్రియలు... సినిమా థియేటర్లలో రెండు షోలు రద్దు..

భారత రత్న, మాజీ రాష్ట్రపతి అబ్దుల్ కలాం అంత్యక్రియలు గురువారం ఉదయం ఆయన స్వగ్రామంలో జరుగనున్న విషయం తెలిసిందే. ఈ సందర్భంగా తమిళనాడు ప్రభుత్వం సెలవు ప్రకటించింది. ఇదే విధంగా గురువారం ఒక్క రోజు రాష్ట్ర వ్యాప్తంగా ఉన్న అన్ని సినిమా థియేటర్లలోను రెండు షో‌లను రద్దుచేశారు. ఈ విషయం గురించి రాష్ట్ర సినిమా థియేటర్ల యజమానుల సంఘం ప్రధాన కార్యదర్శి పన్నీర్ సెల్వం ఒక ప్రకటనను విడుదల చేశారు. 

అందులో మాజీ రాష్ట్రపతి అబ్దుల్ కలాం తమిళనాడుకు మాత్రమే కాకుండా దేశానికే గర్వకారణం అయిన వ్యక్తి అని కొనియాడారు. అంతటి గొప్ప మహనీయుని బౌతిక కాయానికి అంత్యక్రియలు జరుగుతుండడంతో మర్యాదపూర్వకంగా గురువారం ఉదయం షో, మధ్యాహ్నం షో (మార్నింగ్, మ్యాట్నీ)షోలను రద్దుచేసే విధంగా నిర్ణయించినట్టు తెలిపారు.