శుక్రవారం, 29 మార్చి 2024
  1. వార్తలు
  2. తెలుగు వార్తలు
  3. తెలుగు వార్తలు
Written By Selvi
Last Updated : శనివారం, 4 ఫిబ్రవరి 2017 (10:40 IST)

కన్నకూతురిపై అత్యాచారం ఆపై గర్భవతి.. కామాంధుడైన తండ్రికి జైలుశిక్ష

కన్నకూతురిపై కామాంధుడైన తండ్రి అత్యాచారానికి పాల్పడ్డాడు. కామంతో కళ్లు మూసుకుపోయిన ఈ దుండగుడికి హైదరాబాదులోని నాంపల్లి అడిషనల్‌ మెట్రోపాలిటన్‌ సెషన్స్‌ జడ్జి(ఏఎంఎస్‌జే) కళ్యాణ్‌చక్రవర్తి జైలు శిక్ష వి

కన్నకూతురిపై కామాంధుడైన తండ్రి అత్యాచారానికి పాల్పడ్డాడు. కామంతో కళ్లు మూసుకుపోయిన ఈ దుండగుడికి హైదరాబాదులోని నాంపల్లి అడిషనల్‌ మెట్రోపాలిటన్‌ సెషన్స్‌ జడ్జి(ఏఎంఎస్‌జే) కళ్యాణ్‌చక్రవర్తి జైలు శిక్ష విధిస్తూ తీర్పు చెప్పారు. వివరాల్లోకి వెళితే.. ఫలక్‌నూమకు చెందిన ఓ వ్యక్తి 2012లో కన్న కూతురిపై లైంగిక దాడి చేశాడు. బాలిక తల్లి పోలీసులకు ఫిర్యాదు చేసింది. 
 
నిందితుడిని అరెస్టు చేసిన పోలీసులు దర్యాప్తు చేసి కోర్టులో చార్జిషీట్‌ దాఖలు చేశారు. ఈ కేసుపై విచారణ జరిపిన న్యాయమూర్తి నిందితుడికి శిక్ష విధిస్తూ తీర్పు ఇచ్చారు. సాక్ష్యంగా దర్యాప్తు అధికారులు డిఎన్ఎ పరీక్షల ఫలితాలను సమర్పించారు. ఒమర్ ఖాన్ 2005లో నెలల పాటు 15 ఏళ్ల కూతురిపై అత్యాచారం చేశాడు. కొన్ని నెలల పాటు అత్యాచారం చేయడంతో బాలిక గర్భం కూడా దాల్చింది.
 
ఇదిలా ఉంటే.. బాలికపై అత్యాచారం చేసిన యువకుడిని హైదరాబాదులోని చాదర్‌ఘాట్‌ పోలీసులు శుక్రవారం అరెస్టు చేశారు. బాలిక(13) తల్లిదండ్రులు కొబ్బరి బొండాల వ్యాపారం చేస్తున్నారు. పాతబస్తీకి చెందిన అస్లాం అనే యువకుడు మినరల్‌ వాటర్‌సప్లై చేస్తుంటాడు. 
 
బాలిక తల్లిదండ్రులతో పరిచయం పెంచుకున్నాడు. వారి కుమార్తెపై కన్నేసి మాయమాటలు చెప్పి లొంగదీసుకున్నాడు. ఐదారు నెలలుగా బాలికపై అత్యాచారం చేస్తూ వచ్చాడు. గర్భవతి కావడంతో విషయం బయటకు తెలిసింది. నిందితుడికి వివాహమై ఓ కొడుకు కూడా ఉన్నట్లు తెలుస్తోంది. బాధితురాలి తల్లి పోలీసులకు ఫిర్యాదు చేసింది. యువకుడిని అరెస్టు చేసి కేసును దర్యాప్తు చేస్తున్నారు.