ఆ విషయంలో తమ్ముడితో గొడవ పడిన మాజీ సిఎం
వద్దూ.. వద్దంటున్నా తెలుగుదేశం పార్టీలోకి వెళ్ళేందుకు తమ్ముడు కిషోర్ కుమార్ రెడ్డి ప్రయత్నిస్తుండటం అన్నయ్య మాజీ సిఎం కిరణ్ కుమార్ రెడ్డికి ఏ మాత్రం నచ్చలేదు. ఇప్పటికే సామాజిక మాధ్యమాల్లో కిషోర్ చేరుతున్నట్లు మొదట్లోనే ప్రచారం కావడంతో కిరణ్ హెచ్చరించ
వద్దూ.. వద్దంటున్నా తెలుగుదేశం పార్టీలోకి వెళ్ళేందుకు తమ్ముడు కిషోర్ కుమార్ రెడ్డి ప్రయత్నిస్తుండటం అన్నయ్య మాజీ సిఎం కిరణ్ కుమార్ రెడ్డికి ఏ మాత్రం నచ్చలేదు. ఇప్పటికే సామాజిక మాధ్యమాల్లో కిషోర్ చేరుతున్నట్లు మొదట్లోనే ప్రచారం కావడంతో కిరణ్ హెచ్చరించారు. చంద్రబాబు నాయుడంటే కిరణ్కు అస్సలు ఇష్టముండదు. ఇద్దరి మధ్యా వైరం ఎప్పటి నుంచో ఉంది. ఆ పార్టీ నేతలన్నా కూడా కిరణ్కు ఇష్టం ఉండదు. అలాంటి పార్టీలోకి కిషోర్ కుమార్ రెడ్డి వెళుతుండటం ఏ మాత్రం మాజీ సిఎంకు నచ్చలేదు.
గత రెండు రోజుల నుంచి చంద్రబాబు అపాయింట్‌మెంట్ కోసం తీవ్రంగా ప్రయత్నిస్తున్నాడు కిషోర్ కుమార్ రెడ్డి. అయితే వెళ్లొద్దని ఎంత చెప్పినా కిషోర్ వెళుతుండటంతో ఆయనపై అలిగారట కిరణ్. అస్సలు మాట్లాడటం మానేశారట. ఈరోజు సాయంత్రం గాని లేక రేపుగాని చంద్రబాబు సమక్షంలో కిషోర్ కుమార్ రెడ్డి తెలుగుదేశం పార్టీ తీర్థం పుచ్చుకోనున్నారు. మరి తెదేపాలో చేరిన తర్వాత అన్నయ్య అలక మెల్లమెల్లగా తగ్గిపోతుందేమో?
