తెలుగు భాష తియ్యదనాన్ని ప్రపంచ ప్రజలు గుర్తించేలా చేయాలి: బాలయ్య
తెలుగు భాష తియ్యదనాన్ని ప్రపంచ ప్రజలు గుర్తించేలా చేయాలని నార్త్ అమెరికా తెలుగు అసోసియేషన్ (నాట్స్) సదస్సుకు టాలీవుడ్ అగ్ర నటుడు, హిందూపురం ఎమ్మెల్యే నందమూరి బాలకృష్ణ పిలుపునిచ్చారు. తరతరాల చరిత్ర కలిగిన తెలుగు జాతి ఆత్మగౌరవాన్ని నలుదిశలా చాటాలని నాట్స్ సభ్యులకు పిలుపునిచ్చారు.
అమెరికాలో తెలుగు ప్రజల సంబరాలు అంబరాన్నంటుతున్నాయి. నాట్స్ సదస్సుకు సతీసమేతంగా హాజరయ్యారు. శనివారం నాటి సమావేశాల్లో పాల్గొన్న బాలయ్య ఈ సందర్భంగా మాట్లాడుతూ.. ఏపీలో పెట్టుబడులు పెట్టడానికి ఇదే సరైన తరుణమని, దీనిని ప్రవాసాంధ్రులు సద్వినియోగం చేసుకోవాలని కూడా సూచించారు.
