సొంతగడ్డపై తొలి పద్దు... ఏపీ రాష్ట్ర బడ్జెట్‌లో ఆర్థిక లోటు రూ.23,054 కోట్లు

ఆంధ్రప్రదేశ్ రాష్ట్ర శాసనసభలో ఆర్థిక మంత్రి యనమల రామకృష్ణుడు 2017-18 సంవత్సరానికిగాను బడ్జెట్‌ను ప్రవేశపెట్టారు. అమరావతిలో కొత్తగా నిర్మించిన తాత్కాలిక సచివాలయంలో ఏపీ రాష్ట్ర తొలి పద్దును సొంతగడ్డపై త

ఆంధ్రప్రదేశ్ రాష్ట్ర శాసనసభలో ఆర్థిక మంత్రి యనమల రామకృష్ణుడు 2017-18 సంవత్సరానికిగాను బడ్జెట్‌ను ప్రవేశపెట్టారు. అమరావతిలో కొత్తగా నిర్మించిన తాత్కాలిక సచివాలయంలో ఏపీ రాష్ట్ర తొలి పద్దును సొంతగడ్డపై తొలిసారి ప్రవేశపెట్టారు. ఈ సందర్భంగా ఆయన మాట్లాడుతూ సమర్ధుడైన చంద్రబాబు నాయుడి నాయకత్వంలో రాష్ట్రం అభివృద్ధిపథంలో దూసుకుపోతోందన్నారు.

విజన్ 2029లో నిర్దేశించుకున్న లక్ష్యాలను సాధించడం కోసం ఏపీ ప్రభుత్వం తన ముందుంచుకున్న కర్తవ్యాలను ప్రతిబింభించే బడ్జెట్ ఇదని ఆయన చెప్పారు. చారిత్రక నగరమైన అమరావతికి దాదాపు 2000 ఏళ్ల తర్వాత శాసనాధికారం తిరిగి సంప్రాప్తించిన సందర్భంలో బడ్జెట్ ప్రవేశ పెట్టడం సంతోషంగా ఉందని ఏపీ ఆర్థిక మంత్రి యనమల అన్నారు. కాగా, యనమల ప్రవేశపెట్టిన బడ్జెట్‌లో హైలెట్స్‌, వివిధ శాఖలకు కేటాయింపులను అంకెల్లో పరిశీలిస్తే...

రాష్ట్ర మొత్తం బడ్జెట్‌ : రూ.1,56,999 కోట్లు

రెవెన్యూ వ్యయం : రూ.1,25,912 కోట్లు

క్యాపిటల్ వ్యయం : రూ.31,087 కోట్లు

ఆర్థిక లోటు : రూ.23,054 కోట్లు

రెవెన్యూ లోటు : రూ.416 కోట్లు

వివిధ శాఖల కేటాయింపులు

హోంశాఖ : రూ.5,221 కోట్లు

రోడ్లు, భవనాలశాఖ : రూ.4,041 కోట్లు

నిరుద్యోగ భృతి : రూ.500 కోట్లు

విద్యుత్‌ శాఖ : రూ.4,311 కోట్లు

పురపాలక శాఖ : రూ.5,207 కోట్లు

జలవనరుల శాఖ : రూ.12,770 కోట్లు