తండ్రి ఉన్నత చదువులు చదివించాలనుకుంటే.. అమ్మాయి ఇంటి నుంచి?
తండ్రి ఉన్నత చదువులు చదివించాలనుకున్నాడు. కుమార్తెను హాస్టల్‌లో చేర్పించి చదివించేందుకు అంతా సిద్ధం చేశాడు. కానీ తండ్రి కోరుకున్నట్టుగా హాస్టల్ కు వెళ్లి చదువుకోవడం ఇష్టంలేని ఓ కూతురు ఇల్లొదిలి వెళ్లి
తండ్రి ఉన్నత చదువులు చదివించాలనుకున్నాడు. కుమార్తెను హాస్టల్‌లో చేర్పించి చదివించేందుకు అంతా సిద్ధం చేశాడు. కానీ తండ్రి కోరుకున్నట్టుగా హాస్టల్ కు వెళ్లి చదువుకోవడం ఇష్టంలేని ఓ కూతురు ఇల్లొదిలి వెళ్లిపోయిన ఘటన హైదరాబాద్, బంజారాహిల్స్‌లో చోటుచేసుకుంది.
వివరాల్లోకి వెళితే.. పద్మాలయ అంబేద్కర్ నగర్‌లో నివసించే అప్పారావు, అపోలో ఆసుపత్రిలో సెక్యూరిటీ గార్డ్‌గా పనిచేస్తుండగా, ఆయన కుమార్తె దీపిక (20) ఇంటర్ పూర్తి చేసుకుంది.
ఆమెను ఉన్నత చదువులు చదివించాలనే ఆశయంతో అప్పారావు.. డిగ్రీ కోసం గురుకులంలో చేర్పించాలని భావించి ఫీజు కట్టాడు. బుధవారం నాడు ఆమెను హాస్టల్‌లో దించేందుకు ఏర్పాట్లు చేసుకున్నాడు. కానీ ఓ లేఖ రాసిపెట్టిన దీపిక, ఇంట్లో నుంచి వెళ్లిపోయింది.
తనకు హాస్టల్‌కు వెళ్లడం ఇష్టం లేదని, తాను అనుకున్నది వేరు, నాన్న చేస్తున్నది వేరని, తనకు నచ్చింది చేయనివ్వడం లేదని వాపోయింది. బలవంతంగా హాస్టల్‌కు వెళ్లి చదువుకోలేనని చెప్పింది. అప్పారావు ఫిర్యాదుపై మిస్సింగ్ కేసు నమోదు చేసుకున్న పోలీసులు ఆమె కోసం గాలిస్తున్నారు.
