నేను జిల్లా డిప్యూటీ క‌లెక్ట‌ర్‌ని... నెల్లూరులో న‌కిలీని అరెస్టు చేసిన పోలీసులు
చేస్తున్న ఉద్యోగం అతనికి తృప్తినివ్వ‌లేదు... తన‌ను తాను డిప్యూటీ క‌లెక్ట‌ర్‌గా చూసుకోవాల‌నుకున్నాడు. ఇక అంతే జిల్లా పర్యటనకు వెళ్ళి అంద‌రిని హ‌డ‌లెత్తించాడు. చివ‌ర‌కు పోలీసులకు చిక్కాడు. వివ‌రాలిలా ఉన్నాయి.
అతడి పేరు ప్రసాద్. శ్రీ పొట్టిరాములు నెల్లూరు జిల్లా కేంద్రం నెల్లూరులోని కలెక్టరేట్ కార్యాలయంలో చిరుద్యోగం వెలగబెడుతున్నాడు. అయితే చిరుద్యోగంతో అతడు సంతృప్తి చెందనట్టుంది. డిప్యూటీ కలెక్టర్ పేరిట జిల్లా పర్యటనకు బయలుదేరాడు. పలు ప్రభుత్వ కార్యాలయాలు, సర్కారీ వైద్యాలయాల్లో తనిఖీలు చేశాడు.
అక్కడి అధికారులను ఉరుకులు పరుగులు పెట్టించాడు. అయితే అతడిపై అనుమానం వచ్చిన కొందరు అతడి నకిలీ రూపాన్ని నిర్ధారించుకుని పోలీసులకు ఫిర్యాదు చేశారు. దీంతో రంగప్రవేశం చేసిన జిల్లాలోని జలదంకి పోలీసులు సదరు నకిలీ డిప్యూటీ కలెక్టర్ కు అరదండాలేశారు.
