బాబు చూడండి ప్రణబ్‌‍జీ...: జగన్, బాగానే చేస్తున్నారుగా... ప్రణబ్: జగన్ షాక్...
జగన్ మోహన్ రెడ్డికి రాష్ట్రపతి ప్రణబ్ ముఖర్జీ నుంచి ఒకింత షాక్ కొట్టే పరిస్థితి ఎదురైంది. ప్రత్యేక హోదాపై చంద్రబాబు నాయుడు పట్టింపు లేని ధోరణితో ఉన్నారంటూ జగన్ మోహన్ రెడ్డి రాష్ట్రపతి ప్రణబ్ ముఖర్జీకి ఫిర్యాదు చేసేందుకు వెళ్లి, ప్రత్యేక హోదాపై విజ్ఞా
జగన్ మోహన్ రెడ్డికి రాష్ట్రపతి ప్రణబ్ ముఖర్జీ నుంచి ఒకింత షాక్ కొట్టే పరిస్థితి ఎదురైంది. ప్రత్యేక హోదాపై చంద్రబాబు నాయుడు పట్టింపు లేని ధోరణితో ఉన్నారంటూ జగన్ మోహన్ రెడ్డి రాష్ట్రపతి ప్రణబ్ ముఖర్జీకి ఫిర్యాదు చేసేందుకు వెళ్లి, ప్రత్యేక హోదాపై విజ్ఞాపన పత్రం అందించారు. పార్లమెంటులో ఇచ్చిన హామీని నెరవేర్చాలంటూ వారు రాష్ట్రపతి వద్ద విన్నవించుకున్నారు.
అనంతరం ముఖ్యమంత్రి చంద్రబాబు గురించి కూడా ఫిర్యాదు చేస్తూ ఉండటంతో మధ్యలో రాష్ట్రపతి వారికి అడ్డు తగులుతూ, చంద్రబాబు నాయుడుగారు బాగానే చేస్తున్నారు కదా... ఆయనలాంటి ముఖ్యమంత్రి మీకు దొరకడం చాలా అదృష్టం. రాష్ట్రాన్ని అభివృద్ధి బాటలో పయనింపజేసేందుకు ఆయన అహర్నిశలు కష్టపడుతున్నారుగా అంటూ రాష్ట్రపతి చెప్పేసరికి వైకాపా ఎంపీలు షాక్ తిన్నట్లు సమాచారం.
రాష్ట్రపతిని కలిసిన అనంతరం వారు బయటకు రాగానే... మీరంతా మా నాయకుడిపై ఫిర్యాదు చేశారు కదా అని కొందరు తెదేపా ఎంపీలు పలుకరిస్తే... ఆయన ముఖ్యమంత్రి చంద్రబాబు నాయుడుపై మాట పడనిచ్చేట్లు లేరు. అలా మాట్లాడుతుంటే ఇక మేమేం చెబుతాం అని వైకాపాకు చెందిన కొందరు ఎంపీలు చెప్పినట్లు సమాచారం.
