శుక్రవారం, 29 మార్చి 2024
  1. వార్తలు
  2. తెలుగు వార్తలు
  3. తెలుగు వార్తలు
Written By Eswar
Last Modified: బుధవారం, 30 జులై 2014 (18:55 IST)

ఛీ..ఛీ ఇదేం ఆసుపత్రి... ఎపి వైద్యశాఖా మంత్రి ఆగ్రహం

వైద్య ఆరోగ్య శాఖ మంత్రి కామినేని శ్రీనివాస్ ప్రకాశం జిల్లా ఒంగోలులోని రిమ్స్ ఆసుపత్రి వసతులపై మండిపడ్డారు. దుర్వాసనలు వెదజల్లుతున్న ఆసుపత్రి ఆవరణ పరిసరాలను చూసి మంత్రి ఆగ్రహం వ్యక్తం చేశారు. వైద్య సదుపాయాలు ఎలా వున్నా కనీసం మనుష్యులు సంచరించేదిలా లేదన్నారు. 
 
రాష్ట్రంలోని జిల్లా ప్రధాన కేంద్రాలలో వసతులు మెరుగుపర్చుకునేందుకు సమయం ఇస్తున్నప్పటికీ ఒంగోలులోని రిమ్స్‌కు మాత్రం ఆ వెసులుబాటు లేదని, యుద్ధప్రాతిపదికన వసతులు మెరుగుపడేందుకు చర్యలు తీసుకోనున్నట్లు వైద్యశాఖ మంత్రి శ్రీనివాస్ తెలిపారు. 
 
ప్రకాశం జిల్లా ఒంగోలులోని మాతాశిశు వైద్యశాలతో పాటు రిమ్స్ ఆసుపత్రిని తనిఖీ చేశారు. ఛీ..ఛీ ఇదేం ఆసుపత్రి అంటూ అధికారుల మీద మండిపడ్డారు.