మంగళవారం, 19 మార్చి 2024
  1. వార్తలు
  2. తెలుగు వార్తలు
  3. తెలుగు వార్తలు
Written By pnr
Last Updated : శుక్రవారం, 14 ఏప్రియల్ 2017 (14:37 IST)

పోలీసులు చర్యలు తీసుకోవడం లేదు... మేం ఆత్మహత్య చేసుకుంటాం.. స్వాతి తల్లిదండ్రులు

అమెరికాలో ఆత్మహత్య చేసుకున్న మధుకర్ రెడ్డి భార్య స్వాతి తల్లిదండ్రులు పోలీసుల తీరుపై మండిపడ్డారు. మధుకర్ రెడ్డి ఆత్మహత్య తర్వాత స్వాతికి అత్తారింటి నుంచి వేధింపులు ఎక్కువయ్యాయి. దీంతో ఆమె శుక్రవారం ఇం

అమెరికాలో ఆత్మహత్య చేసుకున్న మధుకర్ రెడ్డి భార్య స్వాతి తల్లిదండ్రులు పోలీసుల తీరుపై మండిపడ్డారు. మధుకర్ రెడ్డి ఆత్మహత్య తర్వాత స్వాతికి అత్తారింటి నుంచి వేధింపులు ఎక్కువయ్యాయి. దీంతో ఆమె శుక్రవారం ఇంట్లోని హార్పిక్ సేవించి ఆత్మహత్యాయత్నానికి పాల్పడింది. 
 
దీనిపై ఆమె తండ్రి స్పందిస్తూ.... గత రాత్రి స్వాతి అంతు చూస్తామంటూ, ఆమె ఎలా బతుకుతుందో చూస్తామంటూ బెదిరింపులు వచ్చాయని, అంతేకాకుండా ఆమె శీలాన్ని కించపరుస్తూ అత్తింటివారు పుకార్లు పుట్టిస్తున్నారని స్వాతి తండ్రి వాపోయారు. మధుకర్ రెడ్డి బంధువు రవీందర్ రెడ్డి నుంచి తమకు ప్రాణహాని ఉందని... మధుకర్ రెడ్డి అంత్యక్రియల రోజున తమపై దాడి చేసింది రవీంద్ర రెడ్డేనని ఆయన తెలిపారు. 
 
దీనిపై పోలీసులకు ఫిర్యాదు చేస్తే వారు ఇప్పటివరకు స్పందించలేదని చెప్పారు. ఆ ధైర్యంతోనే ఆయన తమ జీవితాలతో ఆడుకుంటున్నాడని వారు తెలిపారు. ఇప్పటికైనా పోలీసులు తమకు రక్షణ ఇవ్వకపోతే తమ అందరికీ సామూహిక ఆత్మహత్యే శరణ్యమని ఆయన స్పష్టం చేశారు. 
 
ఇదిలావుండగా, స్వాతి ఆత్మహత్య చేసుకో ప్రయత్నలో భాగంగా హార్పిక్ సేవించింది. మోతాదుకు మించి ఈ రసాయనం తాగడంతో ఆమె అన్నవాహిక బాగా దెబ్బతింది. దీంతో ఆమె సమీపంలోని ఆస్పత్రిలో చేర్పించి చికిత్స చేస్తున్నారు. ప్రస్తుతం ఆమె పరిస్థితి విషమంగా ఉందని, ముఖ్యంగా.. ఇంటర్నల్ బ్లీడింగ్ అయితే ఆమెను కాపాడడం కష్టమని వైద్యులు చెప్పారు.