Widgets Magazine

ఒక్క రాత్రి సహకరిస్తే జీవితం మారిపోతుంది... వైద్య విద్యార్థినితో...

కామంతో కళ్ళు మూసుకుపోయిన ఇద్దరు ప్రొఫెసర్లు తమ వద్ద చదువుతున్న వైద్య విద్యార్థినితో అసభ్యంగా ప్రవర్తించారు. తమ కోరిక తీరిస్తే మార్కులేస్తామని, నీకు ఎలాంటి ఇబ్బందులు లేకుండా కళాశాలలో చూసుకుంటామని చెప్పారు. నీ జీవితం మారిపోతుందని అన్నారు. ప్రొఫెసర్ల ని

Medical-student
TJ| Last Modified మంగళవారం, 7 ఆగస్టు 2018 (17:30 IST)
కామంతో కళ్ళు మూసుకుపోయిన ఇద్దరు ప్రొఫెసర్లు తమ వద్ద చదువుతున్న వైద్య విద్యార్థినితో అసభ్యంగా ప్రవర్తించారు. తమ కోరిక తీరిస్తే మార్కులేస్తామని, నీకు ఎలాంటి ఇబ్బందులు లేకుండా కళాశాలలో చూసుకుంటామని చెప్పారు. నీ జీవితం మారిపోతుందని అన్నారు. ప్రొఫెసర్ల నిర్వాకాన్ని ఎలా చెప్పాలో తెలియక కుమిలిపోయిన వైద్య విద్యార్థిని ఆత్మహత్యకు పాల్పడింది. చిత్తూరు జిల్లా పీలేరులో జరిగిన సంఘటన తీవ్ర చర్చనీయాంశంగా మారుతోంది.
 
పీలేరులోని జాగృతి అపార్టుమెంట్‌లోని తన ఇంట్లో ఉరి వేసుకుని ఆత్మహత్యకు పాల్పడింది. ఐదేళ్ల క్రితం రూపేష్ కుమార్‌తో శిల్పకు వివాహం జరిగింది. తిరుపతిలోని ఎస్వీ మెడికల్ కళాశాలలోని పీడీయాడ్రిక్ డిపార్టుమెంట్‌లో పనిచేస్తోంది. తనను కొంతమంది ప్రొఫెసర్లు వేధిస్తున్నారంటూ ఏప్రిల్ నెలలో ఎన్టీఆర్ హెల్త్ యూనివర్సిటీ అధికారులకు, గవర్నర్‌కు ఫిర్యాదు చేసింది శిల్ప. విచారణ కొనసాగుతుండగానే శిల్ప ఆత్మహత్య చేసుకోవడం పలు అనుమానాలకు తావిస్తోంది.
 
తిరుపతిలోని ఎస్వీ మెడికల్ కళాశాలకు చెందిన ఇద్దరు ప్రొఫెసర్లు వేధింపులకు గురిచేయడం ద్వారానే శిల్ప ఆత్మహత్య చేసుకుందా అన్న కోణంలోను పోలీసులు దర్యాప్తు చేస్తున్నారు.


దీనిపై మరింత చదవండి :