సోనియాపై అనుచిత వ్యాఖ్యలు డి.సీఎం క్షమాపణలు చెప్పాలి!
కాంగ్రెస్ పార్టీ అధ్యక్షురాలు సోనియా గాంధీపై అనుచిత వ్యాఖ్యలు చేసిన తెలంగాణ డిప్యూటీ సీఎం టి.రాజయ్య వెంటనే క్షమాపణలు చెప్పాలని కాంగ్రెస్ పార్టీ ఎమ్మెల్యే సంపత్ కుమార్ డిమాండ్ చేశారు. శనివారం తెలంగాణ అసెంబ్లీలో రాజయ్య... సోనియా గాంధీ పై చేసిన వ్యాఖ్యలు అర్థరహితమైనవని వ్యాఖ్యానించారు.
డిప్యూటీ సీఎం రాజయ్య వ్యాఖ్యలను రికార్డుల నుంచి తొలగించాలని స్పీకర్ ను కోరినట్లు చెప్పారు. తెలంగాణ ప్రత్యేక రాష్ట్ర సాధనలో భాగంగా జరిగిన బలిదానాలకు సోనియాగాంధీయే కారణమని రాజయ్య శనివారం అసెంబ్లీలో ఆరోపించారు. ఈ నేపథ్యంలో సంపత్ కుమార్ స్పందిస్తూ.. సోనియాపై అనుచిత వ్యాఖ్యలు చేసిన డిప్యూటీ సీఎం బేషరతుగా క్షమాపణలు చెప్పాలని డిమాండ్ చేశారు.
