చివరకు పంచె మాత్రమే మిగులుతుంది : వెంకయ్య నాయుడు చురకలు
"ఆస్తిని, సంప‌ద‌ను పెంచ‌కుండా పంచితే చివ‌రికి నీకు మిగిలేది పంచె మాత్రమే"న‌ని కేంద్ర స‌మాచార, ప‌ట్ట‌ణాభివృద్ధి శాఖ‌ల మంత్రి వెంకయ్య నాయుడు చురకలంటించారు. ఆదివారం హైదరాబాద్, గ‌చ్చిబౌలిలోని గ్లోబ‌ల
"ఆస్తిని, సంప‌ద‌ను పెంచ‌కుండా పంచితే చివ‌రికి నీకు మిగిలేది పంచె మాత్రమే"న‌ని కేంద్ర స‌మాచార, ప‌ట్ట‌ణాభివృద్ధి శాఖ‌ల మంత్రి వెంకయ్య నాయుడు చురకలంటించారు. ఆదివారం హైదరాబాద్, గ‌చ్చిబౌలిలోని గ్లోబ‌ల్ పీస్ ఆడిటోరియంలో నిర్వ‌హించిన ఓ కార్య‌క్ర‌మంలో ఆయన మాట్లాడుతూ... అభివృద్ధి ఫ‌లాలను అంద‌రికీ పంచాల‌నే ఉద్దేశంతోనే కేంద్ర ప్రభుత్వం జీఎస్టీని అమ‌లులోకి తీసుకొచ్చింద‌ని, దీనిపై విమర్శలు తగదన్నారు.
ప్ర‌పంచంలోని ఎన్నో దేశాల్లో ఈ విధానం విజ‌య‌వంతంగా అమ‌లులో ఉందని అన్నారు. ఒక దేశం ఒకే ప‌న్ను జీఎస్టీ విధానం అని ఆయన వ్యాఖ్యానించారు. ఈ ప‌ద్ధ‌తి ద్వారా సాధార‌ణ ప్ర‌జ‌ల‌కు లాభం చేకూరుతుందని స్ప‌ష్టం చేశారు. జీఎస్టీ ఒక విప్ల‌వాత్మ‌క నిర్ణ‌యమ‌ని అన్నారు. దేశంలోని అస‌మాన‌త‌ల‌ను తొల‌గించేందుకు త‌మ ప్రభుత్వం కృషి చేస్తోంద‌ని తెలిపారు.
