శుక్రవారం, 29 మార్చి 2024
  1. వార్తలు
  2. తెలుగు వార్తలు
  3. తెలుగు వార్తలు
Written By pnr
Last Updated : గురువారం, 4 జనవరి 2018 (14:56 IST)

'గలీజు పోలీస్'.. యువతిపై లైంగికదాడి ... వీడియోతో 'బెండు'తీసింది

'గజల్' శ్రీనివాస్ లైంగిక వేధింపుల వ్యవహారం ఇపుడు తెలుగు రాష్ట్రాల్లో పెను చర్చనీయాంశంగా మారింది. ఇంతలో మరో గలీజు ఖాకీ నిర్వాకం వెలుగు చూసింది. హోటల్ గదిలో ఒంటరిగా ఉన్న యువతిపై లైంగికదాడికి యత్నించిన ఖ

'గజల్' శ్రీనివాస్ లైంగిక వేధింపుల వ్యవహారం ఇపుడు తెలుగు రాష్ట్రాల్లో పెను చర్చనీయాంశంగా మారింది. ఇంతలో మరో గలీజు ఖాకీ నిర్వాకం వెలుగు చూసింది. హోటల్ గదిలో ఒంటరిగా ఉన్న యువతిపై లైంగికదాడికి యత్నించిన ఖాకీకి ఆ యువతే తగిన విధంగా గుణపాఠం చెప్పింది. విశాఖపట్టణంలో వెలుగులోకి వచ్చిన ఈ వివరాలను పరిశీలిస్తే, 
 
ఉత్తరప్రదేశ్ రాష్ట్రం వారణాసికి చెందిన ఓ యువకుడు నగరంలోని ఫోర్‌పాయింట్స్‌ హోటల్‌లో పనిచేస్తున్నాడు. మలేషియాలో సాఫ్ట్‌వేర్‌ ఇంజనీర్‌గా పనిచేస్తున్న రాష్ట్రానికి చెందిన ఒక యువతితో ప్రేమలో పడ్డాడు. ఆ యువతి మలేషియాలో తన ఉద్యోగం వదిలేసి కొద్దినెలల కిందట అదే హోటల్లో పనికి చేరింది. ఏం జరిగిందో ఏమోగానీ ఆ యువతికి చెప్పాపెట్టకుండా పారిపోయాడు. 
 
దీనిపై ఆ యువతి గత యేడాది నవంబర్‌ 18వ తేదీన త్రీటౌన్‌ పోలీసులకు ఫిర్యాదు చేసింది. విశాఖ త్రీ టౌన్‌ సర్కిల్‌ బెండి వెంకటరావు కేసు నమోదు చేసి విచారణ చేపట్టి, పారిపోయిన యువకుడిని అదుపులోకి తీసుకున్నాడు. పంజాబ్‌లోని లుథియానా కోర్టులో హాజరుపరిచిన తర్వాత నగరానికి తీసుకువచ్చి జైలుకు తరలించారు. 
 
అయితే సదరు యువతి తన ప్రియుడిని జైలుకు పంపిస్తే పెళ్లి చేసుకోవడానికి ఒప్పుకోడేమోనని సీఐ వెంకటరావు వద్ద తన ఆందోళనను వెలిబుచ్చింది. దీన్ని ఆసరాగా తీసుకున్న సీఐ వెంకటరావు ఈ నెల 28న ఆమె ఉంటోన్న మరో హోటల్‌ గదికి వెళ్లి ఆమెపై లైంగిక దాడికి యత్నించారు. 
 
దీంతో ఆమె తెలివిగా వీడియో, ఫొటోలు తీసి నగర సీపీకి మంగళవారం ఫిర్యాదు చేసింది. ప్రాథమిక విచారణలో ఆరోపణలు వాస్తవమేనని తేలడంతో సీఐ వెంకటరావును సస్పెండ్‌ చేస్తూ నగర పోలీస్‌ కమిషనర్‌ యోగానంద్‌ బుధవారం ఉత్తర్వులు జారీచేశారు.