శుక్రవారం, 29 మార్చి 2024
  1. ఇతరాలు
  2. మహిళ
  3. సౌందర్యం
Written By chitra
Last Updated : శుక్రవారం, 12 ఫిబ్రవరి 2016 (09:06 IST)

మొటిమల నివారణ కోసం ఏం చేయాలంటే..!?

టీనేజర్స్ మొటిమలతో ఎంతో సతమతమవుతుంటారు. వీటి నివారణ కోసం ఏవేవో క్రీములు వాడుతుంటారు. కానీ మన ఇంట్లో ఉండే వస్తువులతోనే మొటిమలను నివారించవచ్చు. అవేంటో ఇప్పుడు చూద్దాం!
 
తులసి ఆకురసం తీసుకుని రాత్రి పడుకోబోయే ముందు ముఖానికి రాసుకుని ఉదయం గోరు వెచ్చని నీటితో ముఖం కడుక్కుంటే మొటిమలు మటుమాయమవుతాయి.
 
పాలలో, టమోటా జ్యూస్ కలిపి మొటిమలకు రాస్తే కూడా మొటిమలు పోతాయి. అలాగే బొప్పాయి రసం ముఖానికి రాస్తే మొటిమలు వాటి మచ్చలు పూర్తిగా తొలగిపోతాయని బ్యూటీషన్లు అంటున్నారు.
 
వేపాకును మెత్తగా నూరి దానికి చందనం పొడి కిలిపి మొటిమల మీద పూసి గంట తర్వాత స్నానం చేస్తే మొటిమలు తొలగిపోతాయి. రోజ్‌వాటర్‌లో చందనంపొడి పసుపునీళ్ళలో కలిపి పేస్టులా చేసి ముఖానికి రాసి పది నిమిషాల తర్వాత కడిగినా ఫలితం ఉంటుంది. 
 
చందనం పొడి, కర్పూరం పొడి నీటిలో కలిపి పేస్టులా చేసి రాత్రిపూట రాసుకుని ఉదయం కడుక్కుంటే మొటిమలు పోతాయి.