రూపాయికే కిలో ఉల్లిపాయలు: కొత్త మొబైల్ యాప్‌ ద్వారా ఆర్డరిస్తే..?
ఉల్లిధర కంటనీరు తెప్పిస్తుంటే.. రూపాయికే కిలో ఉల్లిపాయలు ఎక్కడ దొరుకుతున్నాయని ఆశ్చర్యపోతున్నారు.. కదూ.. అయితే ఈ స్టోరీ చదవండి. రూపాయికి ఉల్లి దొరకాలంటే.. కొన్ని కండిషన్స్ అప్లయ్ అవుతాయి. మొబైల్ మాధ్యమంగా తమ వద్ద సరుకులు కొనుగోలు చేసేవారికి రూపాయికే కిలో ఉల్లిపాయలు అందిస్తామని నింజాకార్ట్ సంస్థ తెలిపింది.
శుక్రవారం నుంచి ఆదివారం వరకు వరుసగా మూడు రోజుల పాటు ఈ ఆఫర్ అందుబాటులోకి వస్తుంది. అయితే తాము అందిస్తున్న మొబైల్ యాప్‌ను డౌన్ లోడ్ చేసుకుని ఇంటి సరుకులు ఆర్డర్ ఇవ్వాల్సి ఉంటుందని నింజా కార్ట్ కో-ఫౌండర్ తిరుకుమారన్ నాగరాజన్ తెలియజేశారు. ఇటీవలే తాము హైపర్ లోకల్ గ్రోసరీ డెలివరీ యాప్‌ను తయారు చేశామని, దీని ద్వారా సులువుగా గృహావసరాలకు వినియోగించే నాణ్యమైన సరుకులను పొందవచ్చునని చెప్పారు.
