గురువారం, 28 మార్చి 2024
  1. ఇతరాలు
  2. వంటకాలు
  3. కాంటినెంటల్
Written By PNR
Last Updated : సోమవారం, 6 అక్టోబరు 2014 (18:30 IST)

మెక్సికన్‌ రైస్‌ క్యాప్సికమ్ సలాడ్‌!

కావలసిన పదార్థాలు :
బాస్మతి లేదా సన్న బియ్యం... 100గ్రాములు (పొడిగా ఉడికించి ఉంచాలి)
ఎర్రటి క్యాప్సికమ్‌... ఒకటి
పసుపురంగు క్యాప్సికమ్‌... ఒకటి
ఆకుపచ్చ క్యాప్సికమ్...ఒకటి
ఉల్లిపాయ... ఒకటి (సన్నగా తరిగినది)
వెనిగర్... ఒక టీస్పూను
నిమ్మరసం... అర టీస్పూను
మిరియాల పొడి... చిటికెడు
కొత్తిమీర... ఒక కట్ట
 
తయారీ విధానం :
ఉడికించిన అన్నాన్ని చల్లార్చాలి. క్యాప్సికమ్‌లను సన్నని ముక్కలుగా కోసు ఉంచాలి. చల్లారిన అన్నాన్ని వెడల్పాటి గిన్నెలో వేసి అందులో వెనిగర్‌, నిమ్మరసం, మిరియాల పొడి, ఉప్పు, పచ్చిమిర్చి, తురిమిన కొత్తిమీర వేసి చెక్క గరిటెతో నెమ్మదిగా కలపాలి. 
 
సన్నగా తరిగిన ఉల్లిపాయ ముక్కలు కూడా కలిపి, ఐదు నిమిషాలు అలాగే ఉంచాలి. తర్వాత క్యాప్సికమ్‌ ముక్కల్ని కూడా అన్నంలో వేసి కాసేపు ఫ్రిజ్‌లో పెట్టాలి. వడ్డించేముందు ప్లేట్లలో సర్ది పైన ఇంకాస్త కొత్తిమీర చల్లితే మెక్సికన్‌ రైస్‌ సలాడ్‌ తయారైనట్లే...!