గురువారం, 28 మార్చి 2024
  1. క్రీడలు
  2. క్రికెట్
  3. వార్తలు
Written By CVR
Last Updated : ఆదివారం, 17 మే 2015 (13:57 IST)

వన్డే వరల్డ్ క్రికెట్‌ పోటీలకు బ్రాడ్ హడిన్ గుడ్ బై..!

ఆస్ట్రేలియా సీనియర్ క్రికెటర్ బ్రాడ్ హడిన్ వన్డే వరల్డ్ క్రికెట్ పోటీలకు గుడ్‌బై చెప్పాడు. ఈ విషయాన్ని ఆయన బెంగళూరులో తెలిపారు. 37 సంవత్సరాల బ్రాడ్ 126 వన్డే మ్యాచ్ లు ఆడి 3,122 పరుగులను (సరాసరి 31.53) సాధించాడు. ఆడమ్ గిల్ క్రిస్ట్ రిటైర్మెంట్ తరువాత ప్రస్తుత ఆస్ట్రేలియా టీమ్‌లో హడిన్ అత్యంత సీనియర్.
 
ఈ సందర్భంగా ఆయన మాట్లాడుతూ... తాను ఎంతో కాలం పాటు వన్డే క్రికెట్‌ను ఆస్వాదించానని అన్నాడు. వన్డే క్రికెట్‌కు దూరం కావడానికి ఇదే సరైన సమయంగా భావిస్తున్నట్టు తెలిపాడు. తన జీవితంలో ఆట ఇక చాలునని భావిస్తున్నానని అన్నాడు. ఆస్ట్రేలియా క్రికెట్ జట్టు నెంబర్ వన్‌గా ఉన్న సమయంలో, తాను సభ్యునిగా ఉన్న జట్టు వరల్డ్ కప్ గెలుచుకున్న తరుణంకన్నా ఆట నుంచి తప్పుకోవడడానికి మరో మంచి సమయం ఇంకేముంటుందని బ్రాండ్ తెలిపాడు.