2017 ఛాంపియన్స్ ట్రోఫీ: పాకిస్థాన్ ఇన్ -విండీస్ అవుట్
2017 ఛాంపియన్స్ ట్రోఫీకి విండీస్ దూరం కానుంది. మినీ వరల్డ్ కప్‌గా భావించే ఈ టోర్నీలో టాప్-8 జట్లు బరిలోకి దిగనున్నాయి. అయితే ప్రస్తుతం వన్డే ర్యాంకింగ్స్‌లో ఆస్ట్రేలియా, భారత్, దక్షిణాఫ్రికా, న్యూజిలాండ్, శ్రీలంక, ఇంగ్లండ్, పాకిస్థాన్, వెస్టిండీస్, ఐర్లాండ్, జింబాబ్వే, ఆప్ఘనిస్థాన్ వంటి జట్లున్నాయి. ఈ జాబితాలో ఉన్న 8 జట్లు ఛాంపియన్స్ ట్రోఫీకి అర్హత సాధించాయి. దీంతో వెస్టిండీస్, ఐర్లాండ్, జింబాబ్వే, అఫ్ఘన్ జట్లు ఛాంపియన్స్ ట్రోఫీలో ఆడే అవకాశం లేకపోయింది.
ఇకపోతే క్రిస్ గేల్, బ్రావో, హోల్డర్ వంటి స్టార్ ప్లేయర్లున్న విండీస్ పాయింట్ల ప్రకారం టోర్నీకి అర్హత సాధించకపోవడంతో తొలిసారి విండీస్ ఈ టోర్నీ నుంచి దూరమైంది. తద్వారా తొలిసారి విండీస్ జట్టు లేకుండా ఛాంపియన్స్ ట్రోఫీ జరగనుంది.
