క్రిస్ గేల్ రికార్డును బద్ధలు కొట్టిన 23 యేళ్ళ కుర్రోడు... 21 బంతుల్లో సెంచరీ
పొట్టి క్రికెట్ ప్రపంచంలో ట్వంటీ 20ల్లో వెస్టిండీస్ ఆటగాడు క్రిస్ గేల్ ఫాస్టెస్ట్ సెంచరీ రికార్డ్‌ను 23 ఏళ్ల ఇరాక్ థామస్ అనే కుర్రాడు బ్రేక్ చేశాడు. వెస్టిండీస్‌కే చెందిన థామస్ అనే యువ క్రికెటర్ కేవలం 21 బంతుల్లో సెంచరీ కొట్టాడు. ఇందులో 15 సిక్సర్లు, 5 ఫోర్లు ఉన్నాయి. మొత్తం 31 బంతులు ఆడిన థామస్ 131 పరుగులు చేసి సరికొత్త రికార్డును నెలకొల్పాడు.
థామస్‌కు ఇదే తొలి టీ20 సెంచరీ కావడం గమనార్హం. గేల్ ఐపీఎల్‌లో 30 బంతుల్లో సెంచరీ సాధించిన రికార్డును తిరగరాసినందుకు ఆనందంగా ఉందని థామస్ తెలిపాడు. దేశవాళీ జట్టు అయిన స్పెసైడ్‌పై నిర్దేశించిన 152 పరుగుల విజయలక్ష్యాన్ని 8 ఓవర్లలోనే అవలీలగా సాధించి తన టీం విజయంలో కీలక పాత్ర పోషించాడు.
