శుక్రవారం, 29 మార్చి 2024
  1. క్రీడలు
  2. క్రికెట్
  3. వార్తలు
Written By pnr
Last Updated : శుక్రవారం, 4 నవంబరు 2016 (16:31 IST)

ఫిల్ హ్యూస్ మరణానికి ఎవరూ కారణం కాదు... అతను తప్పిదం వల్లే బంతి బలంగా తాకింది!

ఆ క్రికెటర్ మరణం ప్రపంచ క్రికెట్‌ను ఓ కుదుపు కుదిపింది. ఈ మరణాన్ని ఏ ఒక్క క్రికెట్ అభిమాని కూడా మరచిపోలేరు. ఆ క్రికెటర్ ఎవరో కాదు. ఫిల్ హ్యూస్. ఆస్ట్రేలియా క్రికెటర్. 2014లో సిడ్నీ క్రికెట్ మైదానంలో జ

ఆ క్రికెటర్ మరణం ప్రపంచ క్రికెట్‌ను ఓ కుదుపు కుదిపింది. ఈ మరణాన్ని ఏ ఒక్క క్రికెట్ అభిమాని కూడా మరచిపోలేరు. ఆ క్రికెటర్ ఎవరో కాదు. ఫిల్ హ్యూస్. ఆస్ట్రేలియా క్రికెటర్. 2014లో సిడ్నీ క్రికెట్ మైదానంలో జరిగిన ఓ దేశవాళీ మ్యాచ్‌లో బౌలర్ అబాట్ విసిరిన ఓ బౌన్సర్ హ్యూస్ తలను బలంగా తాకింది. ఆ దెబ్బకు విలవిల్లాడిన హ్యూస్ పిచ్ పైనే కుప్పకూలిపోయాడు. వెంటనే అతడిని ఆసుపత్రికి తరలించారు. రెండు రోజుల తర్వాత అతను తుదిశ్వాస విడిచాడు. 
 
ఈ ఘటనపై పూర్తి స్థాయిలో విచారణ జరిపిన అనంతరం న్యూసౌత్ వేల్స్ కోర్టు తీర్పును వెలువరించింది. హ్యూస్ మృతికి ఎవరూ కారణం కాదని తన తీర్పులో స్పష్టం చేసింది. బంతిని అంచనా వేయడంలో హ్యూస్ విఫలమయ్యాడని కోర్టు అభిప్రాయపడింది. అతని పొరపాటు వల్లే బంతి అతడిని బలంగా తాకిందని చెప్పింది. అయితే, క్రికెట్‌లో ఆమోదయోగ్యం కాని బౌలింగ్‌పై సమీక్ష నిర్వహించాలంటూ ఆస్ట్రేలియా క్రికెట్‌కు ఓ సూచన చేసింది.