హజెల్ కీచ్తో క్రికెటర్ యువరాజ్ సింగ్ పెళ్లి...
భారత సిక్సర్ల కింగ్ యువరాజ్ సింగ్ తన పెళ్లి సమయాన్ని ప్రకటించాడు. యూవీ సంవత్సర కాలంగా హజెల్ కీచ్తో ప్రేమాయాణం సాగిస్తున్నాడు. అయితే ఇరువురు తాజాగా పెళ్లికి సిద్దమయ్యారు. వీరి పెళ్లి గురించి పలు పుకార
భారత సిక్సర్ల కింగ్ యువరాజ్ సింగ్ తన పెళ్లి సమయాన్ని ప్రకటించాడు. యూవీ సంవత్సర కాలంగా హజెల్ కీచ్తో ప్రేమాయాణం సాగిస్తున్నాడు. అయితే ఇరువురు తాజాగా పెళ్లికి సిద్దమయ్యారు. వీరి పెళ్లి గురించి పలు పుకార్లు షికార్లు చేశాయి. అయితే వీటికి యూవీ జంట ఫుల్స్టాప్ పెట్టేసింది. తమ పెళ్లి ఈ ఏడాది డిసెంబర్ మొదటి వారంలో జరగనున్నట్టు యువీ తెలిపిన సంగతి తెలిసిందే. నటి హజెల్ కీచ్ను యువీ నవంబరు 30న వివాహమాడనున్నట్లు అతడి సన్నిహితులు తెలిపారు.
''డిసెంబరు 5 నుంచి 7 మధ్య రిసెప్షన్ ఉంటుందని అంటున్నారు. గత నవంబరులో బాలిలో యువీ-కీచ్ల నిశ్చితార్థం జరిగింది. అప్పటి నుంచి వీరి పెళ్లి ఎప్పుడన్నదానిపై వూహాగానాలు సాగుతున్నాయి. ''గత మూడేళ్లుగా యువరాజ్కు హజెల్ మధ్య పరిచయం ఉన్న సంగతి తెలిసిందే. కానీ నిశ్చితార్థానికి మూడు నెలల ముందు నుంచి మాత్రమే వాళ్లు డేటింగ్ చేస్తున్నారు. 2016 శీతాకాలంలో పెళ్లి చేసుకోనున్నట్లు వాళ్లు ప్రకటించారు'' అని యువీ సన్నిహిత వర్గాలు తెలిపాయి.
కేన్సర్తో పోరాడి విజయం సాధించి.. జట్టులో చోటు కోసం తీవ్రంగా శ్రమిస్తున్న యువరాజ్ సింగ్ వివాహంపై ఎన్నో పుకార్లు షికార్లు చేశాయి. వీళ్ళు రహస్యంగా పెళ్లి చేసుకున్నారని.. దాంపత్యం కూడా చేస్తున్నారంటూ పుకార్లు షికార్లు కూడా చేశాయి. ఈ నేపథ్యంలో స్వయంగా యువరాజ్ వివాహ ప్రకటన చేయడం విశేషం.