ద్రావిడ్ వదులుకున్నాడు.. సచిన్ నో అన్నాడు.. అందుకే కెప్టెన్సీ: కుంబ్లే
టీమిండియాకు కెప్టెన్సీ సారథ్యం వహించిన అతి కొద్ది మంది కెప్టెన్లలో అనిల్ కుంబ్లే గొప్ప క్రికెటర్. అయితే తాను కెప్టెన్సీ బాధ్యతలు చేపట్టేందుకు కారణాలు చెప్పుకొచ్చాడు. రాహుల్ ద్రావిడ్ కెప్టెన్సీని వదులుకునే సమయంలో సచిన్ కెప్టెన్సీ వద్దనడంతో తాను కెప్టెన్సీ చేపట్టాల్సి వచ్చిందన్నాడు.
‘17 ఏళ్ల పాటు భారత జట్టులో ఆడిన తర్వాత కెప్టెన్సీని చేపట్టానని.. క్రెడాయ్‌ యూత్‌ మీట్‌లో కుంబ్లే చెప్పుకొచ్చాడు. కాగా 132 టెస్టుల్లో భారత్‌కు ప్రాతినిధ్యం వహించిన అనిల్ కుంబ్లే 619 వికెట్లు పడగొట్టాడు. 271 వన్డేల్లో 337 వికెట్లు తీసుకున్నాడు.
