శుక్రవారం, 29 మార్చి 2024
  1. క్రీడలు
  2. క్రికెట్
  3. వార్తలు
Written By PNR
Last Updated : బుధవారం, 28 జనవరి 2015 (14:53 IST)

ఐసీసీ క్రికెట్ వరల్డ్ కప్ 2015 కోసం అధికారిక యాప్ ప్రారంభం!

అంతర్జాతీయ క్రికెట్ మండలి (ఐసీసీ) వన్డే ప్రపంచ కప్ -2015 వివరాలను ఎప్పటికపుడు తెలియజేసే నిమిత్తం ఓ యాప్ను ప్రారంభించింది. ఐసీసీ, రిలయన్స్ కమ్యూనికేషన్స్ భాగస్వామ్యంతో ఈ యాప్ను రూపొందించింది. దీన్ని గూగుల్ ప్లే, యాప్ స్టోర్ నుంచి ఈ యాప్ను ఉచితంగా డౌన్లోడ్ చేసుకోవచ్చు. 
 
ఈ యాప్ ద్వారా క్రికెట్ అభిమానులు 2015 వరల్డ్ కప్‌కు సంబంధించి ప్రతి విషయాన్ని తెలుసుకోవచ్చు. టోర్నీ షెడ్యూల్ మొదలుకొని ఆటగాళ్ల వివరాలు, ప్రైజ్ మనీ, వేదికలు, తాజా క్రికెట్ వార్తలు, క్విజ్ పోటీలు, క్రికెట్ కాంటెస్టులు... ఇలా ఎన్నో అంశాలు ఈ యాప్ ద్వారా అందుబాటులోకి వస్తాయి. 
 
ఆస్ట్రేలియా, న్యూజిలాండ్ సంయుక్తంగా ఆతిథ్యమిస్తున్న వన్డే వరల్డ్ కప్ ఫిబ్రవరి 14న ప్రారంభం కానున్న విషయం తెల్సిందే. మరికొన్ని రోజుల్లో మెగా ఈవెంట్ ఆరంభం కానుండడంతో క్రికెట్ అభిమానుల్లో ఉత్సాహం నెలకొంది.