కోహ్లీకి సలహాలిస్తున్న మాస్టర్ బ్లాస్టర్ సచిన్ టెండూల్కర్!
మాస్టర్ బ్లాస్టర్ సచిన్ టెండూల్కర్.. యువ క్రికెటర్ కోహ్లీకి చేయూత నిచ్చేందుకు ముందుకొచ్చాడు. ఫామ్లో లేక, పరుగులు రాక తీవ్ర ఇబ్బందులు ఎదుర్కొంటున్న టీమిండియా వైస్ కెప్టెన్ విరాట్ కోహ్లీకి బ్యాటింగ్ లెజెండ్ సచిన్ టెండూల్కర్ సలహాలిస్తున్నాడు.
సాయం చేయాలంటూ సచిన్ను కోరిన కోహ్లీ ఈ మేరకు ముంబయి వచ్చాడు. ముంబయి క్రికెట్ సంఘం ఇండోర్ నెట్స్లో సచిన్ సమక్షంలో కోహ్లీ ప్రాక్టీస్ చేశాడు. ఈ సందర్భంగా సచిన్ పలు విలువైన సూచనలు చేశాడు. ఆఫ్ స్టంప్పై పడే బంతులను ఎదుర్కోవడంపై విరాట్ దృష్టిపెట్టాడట. ఈ వివరాలను మాజీ క్రికెటర్ లాల్ చంద్ రాజ్ పుత్ మీడియాకు తెలిపారు.