అనుష్కను లవ్ చేస్తున్నది నిజమే.. అయితే ఏంటి?
విరాట్ కోహ్లీ మీడియాపై విరుచుకుపడ్డాడు. అవును అనుష్క శర్మతో ప్రేమాయణం జరుపుతున్నట్లు ఎట్టకేలకు ఒప్పుకున్నాడు. యస్.. అనుష్క శర్మను ప్రేమిస్తున్నానని విరాట్ కోహ్లీ కుండ బద్ధలు కొట్టినట్లు స్పష్టం చేశాడు.
బాలీవుడ్ హీరోయిన్ అనుష్క శర్మతో ప్రేమాయణం నిజమేనని క్రికెటర్ విరాట్ కోహ్లీ స్పష్టం చేశాడు. క్రికెటర్ విరాట్ కోహ్లీ, బాలీవుడ్ హీరోయిన్ అనుష్క శర్మ మధ్య లవ్ ఎఫైర్ ఉన్న విషయం ప్రపంచమంతా తెలిసిందే. వీళ్ళిద్దరూ ఎప్పటి నుంచో చెట్టాపట్టాలు వేసుకుని పబ్బులు, క్లబ్బులు, విదేశాలకు తిరుగుతూ ఎంజాయ్ చేస్తున్నారు.
అయితే వీరిద్దరి ప్రేమాయణంపై మీడియా ఓవరాక్షన్ చేయడంతో విసిగిపోయిన కోహ్లీ.. ఈ విషయంపై ఫుల్ క్లారిటీ ఇచ్చేశాడు. ‘‘నేను అనుష్క శర్మని ప్రేమిస్తున్నాను. ఈ విషయం అందరికీ తెలిసిందే. దీన్ని మేమేం దాచడం లేదు. అందుకే నన్ను మాటమాటకీ ఈ విషయం గురించి ప్రశ్నించేవాళ్ళు కాస్తంత ఇంకితజ్ఞానంతో ఆలోచించి ఈ విషయంలో నన్ను మరోసారి ప్రశ్నించకండి’’ అని చెప్పాడు.
