గురువారం, 28 మార్చి 2024
  1. వార్తలు
  2. తెలుగు వార్తలు
  3. కరెంట్ అపైర్స్
Written By ivr
Last Modified: శుక్రవారం, 14 అక్టోబరు 2016 (21:49 IST)

బ్రిక్సా...? బిగ్ లోటస్సా...? 'BRICS'కి పాక్ మిత్రులు... మోదీ సక్సెస్ అవుతారా...?

రేపటి నుంచి బ్రిక్స్ సమాశాలు రెండు రోజుల పాటు జరుగనున్నాయి. ఈ సమావేశాల్లో బ్రెజిల్, రష్యా, భారత్, చైనా, దక్షిణాఫ్రికా కీలక పాత్ర పోషిస్తున్న సంగతి తెలిసిందే. ఐతే ప్రస్తుతం జరుగబోయే బ్రిక్స్ సమావేశాలు భారతదేశంతోపాటు రష్యా, చైనా, పాకిస్తాన్ దేశాలకు ఎంత

రేపటి నుంచి బ్రిక్స్ సమాశాలు రెండు రోజుల పాటు జరుగనున్నాయి. ఈ సమావేశాల్లో బ్రెజిల్, రష్యా, భారత్, చైనా, దక్షిణాఫ్రికా కీలక పాత్ర పోషిస్తున్న సంగతి తెలిసిందే. ఐతే ప్రస్తుతం జరుగబోయే బ్రిక్స్ సమావేశాలు భారతదేశంతోపాటు రష్యా, చైనా, పాకిస్తాన్ దేశాలకు ఎంతో కీలకం కానున్నాయి. ప్రపంచంలో తలెత్తిన ఉద్రిక్త పరిస్థితులను చర్చల ద్వారా పరిష్కరించుకునే సావకాశాలను వెతకాల్సి ఉంది. మరోవైపు భారతదేశంలో ఉరీ ఉగ్రవాద దాడులు, తాజాగా శ్రీనగర్ లో మరోసారి సైనికులపై ఉగ్రదాడుల వ్యవహారం అంతా బ్రిక్స్ సదస్సులో చర్చకు రానున్నాయి.
 
ఇదిలావుంటే ఉగ్రవాదాన్ని పెంచి పోషిస్తున్న పాకిస్తాన్ దేశంతో రష్యా, చైనా దేశాలు అంటకాగడం ఆందోళన రేకెత్తించే విషయం. ముఖ్యంగా పాకిస్తాన్ దేశంతో రష్యా ఉమ్మడి సైనిక విన్యాసాలపై భారతదేశం ఇప్పటికే తన అసహనాన్ని తెలిపింది. ఇంకోవైపు భారతదేశం నియంత్రణ రేఖపై పూర్తిస్థాయి కంచె ఏర్పాటు చేసి పాకిస్తాన్ దేశంతో అన్ని సంబంధాలు తెగతెంపులు చేసుకోవాలని నిర్ణయించడంపై చైనా అసంతృప్తి వ్యక్తం చేస్తోంది. పాకిస్తాన్ ఉగ్రవాదాన్ని ప్రేరేపిస్తున్నా దాని గురించి పల్లెత్తు మాట అనడంలేదు. 
 
దీనితో భారతదేశానికి రష్యా, చైనాలతో కాస్తంత దూరం ఏర్పడిందనే వాదనలు వినబడుతున్నాయి. ఐతే అవన్నీ అవాస్తవమనీ, ప్రపంచ దేశాలన్నిటితోనూ స్నేహపూర్వక సంబంధాలను కొనసాగించాలన్నదే భారతదేశం లక్ష్యమని ఇప్పటికే విదేశాంగ మంత్రి స్పష్టం చేసిన సంగతి తెలిసిందే. ఈ నేపధ్యంలో రేపటి నుంచి గోవాలో జరుగనున్న బ్రిక్స్ సమావేశాలు ప్రాధాన్యత సంతరించుకున్నాయి. ఈ సమావేశాల్లో రష్యాతో భారతదేశం 7 కీలక ఒప్పందాలను కుదుర్చుకోనుందని తెలుస్తోంది.
 
ఇదిలావుంటే బ్రిక్స్ లోగోపై ఆప్, కాంగ్రెస్ పార్టీలు అభ్యంతరం వ్యక్తం చేశాయి. గోవా ప్రాముఖ్యతను తెలిపే విధంగా లోగోను రూపొందించాల్సిందనీ, అలాంటిది భాజపా గుర్తు కమలం పోలికలో బ్రిక్స్ లోగోను రూపొందించడాన్ని విమర్శించారు.