క్రీములు తెగ వాడేస్తున్నారా..? చర్మ క్యాన్సర్ తప్పదండోయ్ జాగ్రత్త!
చాలామంది మరింత అందంగా కనిపించేందుకు మార్కెట్‌లో లభించే వివిధ రకాల క్రీములను వాడుతుంటారు. ముఖ్యంగా ప్రకటనలలో చూసి వాడేవారు చాలా ఎక్కువమందే ఉంటారు. అందం కోసం తయారు చేసే క్రీములలో హైడ్రోక్వినాన్ అనబడే రసాయనం ఎక్కువగా ఉంటుంది. ఈ రసాయనం వలన శరీర చర్మంలో మార్పులు సంభవిస్తాయి.
ఇలాంటి రసాయనాలు ఉండటం వల్ల క్రీములను ఎక్కడ పూస్తారో అక్కడ నిగారింపు వస్తుంది. అంటే ముఖం కాంతివంతంగా తయారవుతుంది. దీంతోపాటు ఈ రసాయనం వల్ల ముఖంపై మెలానిన్ తయారుకావడం ఆగిపోతుంది. ఇది చర్మంలోని అడుగు భాగంలో కలర్ సెల్స్ తయారుకావడానికి దోహదపడతాయి.
అందంకోసం వాడే క్రీములలో ఉండే హైడ్రోక్వినాన్ రసాయనం ఉండటం ద్వారా, ఇలాంటి క్రీములు నిత్యం వాడటం కారణంగా చర్మ క్యాన్సర్ బారిన పడే అవకాశం ఉందని వైద్యులు సూచిస్తున్నారు. ఇలాంటి కాస్మొటిక్స్ వాడకపోవటమే ఉత్తమం అంటున్నారు వైద్యనిపుణులు.
