శుక్రవారం, 29 మార్చి 2024
  1. ఇతరాలు
  2. ఆరోగ్యం
  3. కథనాలు
Written By pnr
Last Updated : గురువారం, 19 నవంబరు 2015 (16:24 IST)

మైగ్రెయిన్‌కు ధ్యానానికి మించిన మందు లేదు!

సాధారణంగా చాలా మంది మైగ్రెయిన్‌తో బాధపడుతుంటారు. ఇది ఓ పట్టాన తగ్గదు. ప్రపంచ వ్యాప్తంగా మైగ్రెయిన్‌తో బాధపడేవారి సంఖ్య కోటాను కోట్లుగా ఉంది. ఒక్క అమెరికాలోనే నాలుగు కోట్ల మందికిపైగా ప్రజలు ఈ వ్యాధితో బాధపడుతున్నట్టు అనేక సర్వేలు చెపుతున్నాయి. దాంతో అక్కడ అనేకమంది పరిశోధకులు దీని నివారణకు ప్రత్యామ్నాయ వైద్యాలమీద దృష్టిని సారించి విజయం సాధించారు. 
 
ఇందులోభాగంగానే ఇటీవల అమెరికాలోని వేక్ ఫారెస్ట్ బాప్టిస్ట్ మెడికల్ సెంటర్ మైగ్రెయిన్‌పై ఓ పరిశోధన చేసింది. ఇందులో భాగంగా తలనొప్పి, మైగ్రెయిన్‌లను తగ్గించేందుకు యోగా, ధ్యానం రెండింటి కలయికతో ఓ ప్రత్యేక పద్ధతిని రూపొందించారు. ఆపై మైగ్రెయిన్ తీవ్రతను బట్టి బాధితులను విభిన్న వర్గాలుగా విభజించి వాళ్లతో నెలరోజులపాటు ఆ ప్రత్యేక యోగాని చేయించగా ఆ వ్యాధి తీవ్రత చాలావరకూ తగ్గిందట. 
 
పైగా వారానికి మూడుసార్లు వచ్చేవాళ్లకు ఒకసారి రావడం జరిగిందట. దీన్నిబట్టి మైగ్రెయిన్‌కు ఇతరత్రా మందులకన్నా ధ్యానంతో కూడిన యోగా ఎంతో మేలు అని ఈ పరిశోధకులు చెపుతున్నారు. సో... మైగ్రెయిన్ బాధపడేవారు ప్రతి రోజూ ఉదయం పూట ఓ అర్థగంట పాటు ధ్యానం చేయడం వల్ల ఆ నొప్పినుంచి విముక్తులు కావ్చొచ్చన్నమాట.