శుక్రవారం, 29 మార్చి 2024
  1. ఇతరాలు
  2. ఆరోగ్యం
  3. కథనాలు
Written By మోహన్
Last Updated : శుక్రవారం, 8 మార్చి 2019 (16:17 IST)

టమాటాలను తింటున్నారా..? అయితే మీ లివర్‌కు మేలే..

మనం నిత్యం తింటున్న కూరగాయల జాబితాలో టమాట ఎప్పుడూ ఉంటుంది. మార్కెట్‌లో రేటు ఎంత తక్కువైనా, ఎక్కువైనా వీటి వాడకం అనివార్యమైంది. అయితే వీటి వాడకం వల్ల కూరలు రుచికరంగా మారడమే కాకుండా ఆరోగ్యానికి తగిన మేలు చేస్తాయని శాస్త్రవేత్తలు చెప్తున్నారు.


నిత్యం టమాటాలను ఆహారంలో ఎక్కువగా తీసుకున్నట్లయితే, లివర్ క్యాన్సర్ వచ్చే అవకాశాలు చాలా తక్కువగా ఉంటాయని, లివర్ ఆరోగ్యం మెరుగుపడుతుందని శాస్త్రవేత్తలు చేపట్టిన తాజా అధ్యయనాలలో తేలింది. 
 
టమాటాల్లో లైకోపీన్ అనే యాంటీ ఆక్సిడెంట్ పుష్కలంగా ఉంటుంది. ఈ క్రమంలోనే లైకోపీన్ శాతం ఎక్కువగా ఉండే టమాటా పౌడర్‌ను ఎలుకలకు తినిపించి సైంటిస్టులు వాటిపై ప్రయోగం చేసారు. దీని వలన వాటిలో క్యాన్సర్ కణాల వృద్ధి తగ్గిందని, బాక్టీరియా పెరుగుద‌ల న‌శించింద‌ని సైంటిస్టులు గుర్తించారు. 
 
అలాగే ట‌మాటాల‌ను ఎక్కువ‌గా తిన‌డం వ‌ల్ల వాటిల్లో ఉండే లైకోపీన్ క్యాన్స‌ర్ క‌ణాల పెరుగుద‌ల‌ను అడ్డుకుంటుంద‌ని, లివ‌ర్ క్యాన్స‌ర్ రాకుండా చేస్తుంద‌ని, అలాగే లివ‌ర్ ఆరోగ్యాన్ని కూడా మెరుగు ప‌రుస్తుంద‌ని సైంటిస్టులు పేర్కొంటున్నారు.

వీటితో పాటుగా గుండె జబ్బులను కూడా రాకుండా చేస్తుందని అంటున్నారు. కాబట్టి టమాటాలను ఆహారంలో ఎక్కువగా ఉపయోగించే వారు పైన పేర్కొన్న ఆరోగ్యకరమైన ప్రయోజనాలను పొందినట్లే మరి.