ప్రతి రోజూ వద్దు.. వారానికొక్కసారే ముద్దు... అదే మంచి మజా
దంపతుల రోజువారీ సెక్స్‌పై సొసైటీ ఫర్ ది పర్సనాలిటీ అండ్ సోషల్ సైకాలజీ అనే సంస్థ ఓ సర్వే నిర్వహించగా, ప్రతి రోజూ సెక్స్‌లో పాల్గొనేవారికంటే.. వారంలో ఒక్కసారే శృంగారంలో పాల్గొనే దంపతులు ఎంతో సంతోషంగా ఉన్నట్టు తేలింది. ఈ సర్వేను అమెరికాలో 14 యేళ్ళపాటు.. మూడు దఫాలుగా నిర్వహించారు. తొలి దఫాలో 25 వేల అమెరికా జంటలపై నిర్వహించారు. ఇందులో 11285 మంది పురుషులు, 14225 మంది స్త్రీలు పాల్గొన్నారు. రెండో దఫాలో 335 మందిపై (138 మంది పురుషులు, 197 మంది స్త్రీలు), మూడో దఫాలో 2400 మంది జంటలపై నిర్వహించారు.
ఈ సర్వే ప్రకారం 'ఎంత ఎక్కువగా సెక్స్‌లో పాల్గొంటే అంత ఎక్కువ హ్యాపీగా ఉంటామని చాలా మంది భావిస్తారని, అది అక్షరాలా శుద్ధ తప్పని చెపుతోంది. నిజానికి తక్కువ సార్లు శృంగారంలో పాల్గొనేవారే ఎక్కువ హ్యాపీగా ఉంటారు. సెక్స్‌లో ఎక్కువసార్లు పాల్గొనాలనే ఆతృతతో చాలామంది తమ భాగస్వామిని బలవంతం చేస్తుంటారు. దాంతో వారు ఇష్టం లేకపోయినా.. తప్పని పరిస్థితుల్లోనే సెక్స్‌లో పాల్గొంటుంటారు. ఇది వారి సంబంధాలను దెబ్బ తీస్తుందని ఈ సర్వేలో తేలింది.
అందువల్ల శృంగారంలో పాల్గొనే దంపతులిద్దరూ సంతోషంగా గడపాలంటే ఇద్దరికీ నచ్చినపుడే సెక్స్‌కు సిద్ధపడాలని, అయితే సెక్స్‌ చేయకపోయినా ఇద్దరూ ఎక్కువ సమయం జంటగా గడపాల' ఈ పరిశోధన చెపుతోంది. పైగా, దీనికి వయస్సుతో సంబంధం లేదని, నవ దంపతులైనా, పాత దంపతులైనా సరే ఇది అందరికీ వర్తిస్తుందని ఈ సంస్థకు చెందిన పరిశోధకులు చెపుతున్నారు.
