శుక్రవారం, 29 మార్చి 2024
  1. ఇతరాలు
  2. ఆరోగ్యం
  3. వార్తలు
Written By pnr
Last Updated : గురువారం, 16 నవంబరు 2017 (11:31 IST)

విటమిన్‌ 'డి'తో ఫలవంతంకానున్న గర్భధారణ!

చాలామంది మహిళలు సంతానం కోసం వైద్య నిపుణులను సంప్రదిస్తూ వివిధ రకాల మందులు ఆరగిస్తుంటారు. అయితే, పరిశోధకులు సరికొత్త విషయాన్ని కనుగొన్నారు. గర్భధారణ కోసం చికిత్సలు తీసుకునే మహిళలు తమ శరీరంలో విటమిన్‌ డ

చాలామంది మహిళలు సంతానం కోసం వైద్య నిపుణులను సంప్రదిస్తూ వివిధ రకాల మందులు ఆరగిస్తుంటారు. అయితే, పరిశోధకులు సరికొత్త విషయాన్ని కనుగొన్నారు. గర్భధారణ కోసం చికిత్సలు తీసుకునే మహిళలు తమ శరీరంలో విటమిన్‌ డి తగినంత ఉండేలా చూసుకుంటే.. వారి ప్రయత్నం సఫలమయ్యే అవకాశాలు 46 శాతం ఎక్కువని తాజా పరిశోధన చెబుతోంది.
 
గర్భందాల్చిన వారు పండంటి బిడ్డను కనడానికి 33 శాతం ఎక్కువ అవకాశం ఉంటుందని లండన్‌లోని బర్మింగ్‌హమ్‌ యూనివర్సిటీ పరిశోధకులు చెబుతున్నారు. విటమిన్‌ డి తగినంత ఉంటే.. రోగనిరోధక శక్తిని బలోపేతం చేసి సమస్యను తగ్గిస్తుందని, పిండం.. గర్భంలో విజయవంతంగా నాటుకోవడానికి దోహదపడుతుందని చెబుతున్నారు.
 
బ్రిటన్‌లో గర్భందాలుస్తున్న ప్రతి నలుగురు మహిళల్లో ముగ్గురిలో ఈ సమస్య ఉందని వివరిస్తున్నారు. శరీరానికి సూర్యకాంతి తలేలా చూసుకోవడం ద్వారా సహజంగానే విటమిన్‌ డిని భర్తీ చేసుకోవచ్చని వారు చెపుతున్నారు. కాగా, డి విటమన్ చేపలు, గుడ్లు, మాంసంలలో పుష్కలంగా లభిస్తుంది.