24 యేళ్లు.. బక్కపలచని శరీరం.. వక్షోజాలు చాలా చిన్నవి... ఏం చేయాలి?

నా వయస్సు 24 యేళ్లు. రీసెర్చ్ చేస్తున్నా. ఇది పూర్తయిన తర్వాత వివాహం చేయాలని ఇంట్లోని పెద్దలు భావిస్తున్నారు. ఇక్కడ నా సమస్య ఏంటంటే.. నేను బక్కపలచగా ఉంటా. ఎత్తు మధ్యస్తంగా ఉంటాను. శరీర నిర్మాణం అంతంతమాత్రమే. ముఖ్యంగా వక్షోజాల సైజులు చాలా చిన్నవి. వీటన్నింటికితోడు వివాహంపట్ల ఆసక్తి లేదు. ఈ పరిస్థితుల్లో వివాహం చేసుకుంటే నాతోపాటు.. నాభర్తను సంతృప్తి పరచగలనా అనే సందేహం నెలకొంది. ఏం చేయాలి? 

శరీర నిర్మాణం, వక్షోజాల సైజులు సెక్స్ సామర్థ్యానికి కొలబద్ధలుకావు. వక్షోజాలు పెద్దవిగా ఉన్నా... చిన్నవిగా ఉన్న వాటివల్ల కలిగే స్పందనలు మాత్రం ఒకేలా ఉంటాయి. ముఖ్యంగా వక్షోజాల్లోని నరాగ్రాల నిర్మాణం అందరిలోనూ ఒకేలా ఉంటుంది. పైగా పెద్ద వక్షోజాలు ఉన్నవారి కంటే... వక్షోజాలు చిన్నవిగా ఉన్నవారిలోనే ప్రేరణలు ఎక్కువ కలుగుతాయి. అదేవిధంగా కామ ప్రభావం స్త్రీపురుషుల వ్యక్తిగత మానసికస్థితిపై ఆధారపడి ఉంటుంది. 

అయితే, వక్షోజాలు పెద్దవిగా ఉండటం, శరీర నిర్మాణం చక్కగా ఉన్నట్టయితే రతి ప్రక్రియపై అధిక ఆసక్తి కలుగుతుంది. అయితే, లైంగికతృప్తికి, శరీరాకృతికి ఎలాంటి సంబంధంలేదు. అందువల్ల ఎలాంటి ఆలోచనలు, అపోహలు పెట్టుకోకుండా, వివాహం చేసుకుని, హాయిగా దాంపత్య జీవితాన్ని కొనసాగించండి.