పాలిచ్చే తల్లుల్లో ఆ కోర్కెలు వుండవా?

పాలిచ్చే తల్లుల్లో లైంగిక వాంఛలు తక్కువగా వుండటానికి కారణాలను గైనకాలజిస్టులు ఇలా చెపుతున్నారు. లైంగికవాంఛలు తగ్గిపోవడానికి పాలు పట్టడమే కారణమని సెలవిస్తున్నారు. బిడ్డకు పాలిస్తున్నప్పుడు లైంగిక వాంఛలు క్రమంగా తగ్గుతాయట. నెలలు గడిచినా ఇదే పరిస్థితి ఉం

ivr| Last Modified శుక్రవారం, 2 ఫిబ్రవరి 2018 (14:43 IST)
పాలిచ్చే తల్లుల్లో లైంగిక వాంఛలు తక్కువగా వుండటానికి కారణాలను గైనకాలజిస్టులు ఇలా చెపుతున్నారు. లైంగికవాంఛలు తగ్గిపోవడానికి పాలు పట్టడమే కారణమని సెలవిస్తున్నారు. బిడ్డకు పాలిస్తున్నప్పుడు లైంగిక వాంఛలు క్రమంగా తగ్గుతాయట. నెలలు గడిచినా ఇదే పరిస్థితి ఉంటుంది. పాలిస్తున్నప్పుడు ఆ ప్రభావం హార్మోన్లపై పడుతుంది. అందుకే అలాంటి పరిస్థితి ఏర్పడుతుంది. చెప్పాలంటే పాలిస్తున్నప్పుడు ఈస్ట్రోజెన్ హార్మోన్ స్థాయులు తక్కువగా ఉంటాయి.
అలాగే పాలిస్తున్నప్పుడు శరీరం ప్రొలాక్టిన్ అనే హోర్మోన్‌ని ఎక్కువగా ఉత్పత్తి చేస్తుంది. లైంగిక వాంఛలు తగ్గడానికి ఇదీ ఓ కారణం అవుతుంది. అలాగే పాలిచ్చే వారిలో టెస్టోస్టెరాన్ హార్మోన్ల శాతం కూడా తక్కువగా ఉంటుంది. టెస్టోస్టెరాన్ అనేది పురుష హార్మోన్. ఇది స్త్రీలకు కొంతవరకూ ఉంటుంది. ఇది లైంగిక వాంఛలు పెంచేందుకు కారణం అవుతుంది. ఈ మార్పులకు తోడు ప్రసవానంతరం తల్లిగా బిడ్డ కోసం ఎక్కువ సమయం కేటాయించాల్సి ఉంటుంది. దాంతో కొన్నిసార్లు అలసిపోవడం, ఉద్యోగ బాధ్యతలు మరోవైపు, ఇంకా రకరకాల బాధ్యతలతో సరిగా నిద్రపట్టకపోవడం వంటి సమస్యలు సహజంగానే ఎదురవుతాయి. ఫలితంగా లైంగికాసక్తి చాలామటుకు తగ్గుతుంది. కాబట్టి ఇలాంటి పరిస్థితిని తలుచుకుంటూ ఒత్తిడికి గురికాకుండా దాన్నుంచి బయటపడేందుకు ప్రయత్నించాలి.


దీనిపై మరింత చదవండి :