అక్కడ అందరి ముందు దుస్తులు తీసేసి నగ్నంగా మార్చాడట... నా భర్త కూడా అలా చేస్తాడేమో...
విదేశీ సంస్కృతి మరీ ఇలా ఉంటుందని తెలుసుకుని జీర్ణించుకోలేకపోతున్నాను. ఈ ఘటనను చెప్పేందుకు నాకు సిగ్గుగా ఉంది. కానీ నేను త్వరలో అక్కడికి వెళ్లాలి కనుక ఇదే నాకు ఎదురయితే ఎలా అనే భయం కలుగుతోంది. నా స్నేహితురాలికి ఈమధ్య జర్మనీలో పనిచేసే అబ్బాయితో పెళ్లయింది. అతడు మూడు నెలల తర్వాత ఇండియా నుంచి అక్కడికి తీసుకెళ్లాడు. తను రెగ్యులర్ గా వెళ్లే సానాకి తీసుకెళతాను రెడీ అవమన్నాడట. సరేనని ఆమె వెళ్లాక కారులోనే దుస్తులు విప్పేసి టవల్ కట్టుకుని బయటకు రమ్మన్నాడట. అక్కడి వాతావరణం ఆమెకు ఏదో తేడా అనిపించి రానని చెపుతున్నా వినలేదట. చేసేది లేక టవల్ కట్టుకుని లోపలికి వెళ్లిందట.
కొంతదూరం వెళ్లాక లోపల టవల్ కూడా అనుమతించరంటూ దాన్ని కూడా తీసేసి ఆమెను నగ్నంగా మార్చేశాడట. లోపల ఉన్నవారంతా నగ్నంగానే డ్యాన్సులు చేస్తూ సరదా చేసుకుంటున్నారట. వారిలో పలువురు ఇండియన్స్ కూడా ఉన్నారట. వాళ్లు ఆమెను అలాగే చూస్తుండేసరికి నా ఫ్రెండ్ నగ్నంగా ఉండలేక చాలా సిగ్గుపడిపోతుంటే తన భర్త మాత్రం అవన్నీ వదిలేసి ఆమెను ఎంజాయ్ చేయమంటూ ఎంకరేజ్ చేశాడట. ఇప్పుడు నాకు కూడా జర్మనీ నుంచి అబ్బాయితో నిశ్చయమైంది. అతడు కూడా ఇలాంటి వాటికి అలవాటుపడి ఉన్నాడేమోనని భయంగా ఉంది. అలా అయితే నేను అక్కడ ఇమడలేను...
ఇలాంటి పాశ్చాత్య ధోరణులను కొందరు కనబరుస్తుంటారు. మన సంస్కృతి, సంప్రదాయాలను వదిలేసి అలా ప్రవర్తిస్తుంటారు. అక్కడి సంస్కృతి అదైనప్పటికీ ఇక్కడ పుట్టి పెరిగినందువల్ల ఆ వాతావరణానికి ఎడ్జెస్ట్ అయ్యేందుకు టైం పడుతుంది. అతడు ఎప్పటినుంచో అక్కడే ఉన్నాడు కనుక అలవాటయిపోయింది. ఏదేమైనా ఇష్టం లేని కార్యాన్ని బలవంతంగా చేయించడం సమంజసం కాదు. మీకున్న భయాన్ని మీకు కాబోయే భర్తతో నిరభ్యంతరంగా చెప్పేయండి. తప్పకుండా అతడు మీకు అనుసరించి ఉంటాడు.
