శుక్రవారం, 29 మార్చి 2024
  1. ఇతరాలు
  2. ఆరోగ్యం
  3. దాంపత్యం
Written By IVR
Last Modified: మంగళవారం, 22 జులై 2014 (15:00 IST)

నా మరదలు వచ్చేసరికి నేను సెక్సుకు పనికి రాకుండా పోతానేమో...?

నా మరదలితో పెళ్లయింది. కానీ పెళ్లి కాగానే ఆమె చదువంటూ పుట్టింటికి వెళ్లిపోయింది. నేను సిటీలో ఉద్యోగం చేస్తున్నాను. కాపురం పెట్టడానికి మరో ఏడాది సమయం పడుతుంది. సెక్సీ బొమ్మలు, రోడ్డు మీద అందమైన అమ్మాయిలను చూస్తే సెక్స్ కోర్కెలతో తట్టుకోలేకపోతున్నాను. 
 
ఆ కోర్కెలు విపరీతంగా ఉన్నప్పుడు హస్త ప్రయోగం చేసుకుంటున్నాను. దీనివల్ల ఈమధ్య ఏదో జ్వరం వచ్చినట్లు తయారవుతుంది. నా భార్య కాపురానికి వచ్చే సమయానికి నేను సెక్సుకు పనికి వస్తానో లేదోనన్న భయం పట్టుకున్నది. సెక్స్ కోర్కెలను అదుపులో పెట్టుకోలేని పొరబాటున మరో స్త్రీతో సెక్సులో పాల్గొంటానేమోనని భయంగా ఉంది.
 
ఇలా పెళ్లి కాగానే చాలామంది అనుకోకుండా దూరమవ్వాల్సిన పరిస్థితి వస్తుంది. ఈ సమస్యకు పరిష్కారం ఎలాగైనా కోర్కెలకు కళ్లెం వేయడమొక్కటే మార్గం. కోర్కెలను తట్టుకోలేకపోతున్నానంటూ పొరబాటున ఎవరైనా అపరిచిత స్త్రీలతో సంబంధం పెట్టుకుంటే లేనిపోని సమస్యలు వచ్చిపడతాయి. ఎయిడ్స్ వంటి ప్రాణాంతక వ్యాధులు కూడా సంక్రమించే అవకాశం లేకపోలేదు. కనుక ఆమె వచ్చేవరకూ మీ దృష్టిని కెరీర్ వైపు మరల్చండి. ఉద్యోగంలో మరింత ఉన్నత స్థానానికి వచ్చేందుకు ఆ సమయాన్ని సద్వినియోగం చేసుకోండి.