హెల్త్ టిప్స్: జలుబుతో ఇబ్బంది పడుతుంటే?
జలుబుతో ఇబ్బంది పడుతుంటే?
జలుబుతో ఇబ్బంది పడుతూ...శ్వాస పీల్చడం కష్టమైతే ఒక గ్లాసు గోరువెచ్చటి పాలలో రెండు వెల్లుల్లి రేకులను చిదిమి వేసుకుని తాగండి. ఇలా మూడు రోజులు రెండుపూటలా సేవిస్తుంటే ఉపశమనం లభిస్తుంది. శరీరంనుంచి దుర్గంధం వస్తుంటే స్నానం చేసే నీటిలో ఒక కప్పు టమోటా రసం కలిపి అరగంట తరువాత స్నానం చేయండి. ఇలా నిత్యం చేస్తుంటే శరీరంనుంచి వచ్చే దుర్గంధం తొలగిపోతుందని ఆరోగ్య నిపుణులు అంటున్నారు.
గర్భిణీ స్త్రీలకు వాంతులవుతుంటే...!
స్త్రీలు గర్భం ధరించిన తొలి రెండు నెలలు వాంతులతో సతమతమౌతుంటారు. దీంతో వారిలో చికాకు మరింత పెరిగిపోతుంటుంది. దీనినుంచి ఉపశమనం పొందేందుకుగాను ధనియాలతో కషాయం చేసుకుని అందులో కలకండ తగినంత కలుపుకుని సేవిస్తే వాంతులనుంచి ఉపశమనం కలుగుతుంది. దీంతోపాటు ఉత్పన్నమయ్యే గుండె దడ తగ్గుతుందంటున్నారు ఆరోగ్యనిపుణులు.
కంటి జబ్బులతో బాధపడుతుంటే...!
కళ్ళకు ధనియాలు చాలా ఉపయోగకరం అంటున్నారు వైద్యులు. కాసిన్ని ధనియాలు దంచుకుని నీటిలో ఉడకబెట్టుకోండి. కాచి చల్లార్చిన తర్వాత వడపోసి ఓ సీసాలో భద్రపరచుకోండి. ఈ ద్రవంలోని రెండు చుక్కలు కళ్ళల్లో డ్రాప్స్‌లా వేస్తే కంట్లో మంట, కళ్ళ నొప్పులు, కళ్ళనుంచి నీరు కారడంలాంటి సమస్యలుంటే ఉపశమనం కలుగుతుందంటున్నారు వైద్యులు.
