అవి పశువులు తినేవని అంటారు కానీ... మనుషులు తింటేనా?

గురువారం, 14 జూన్ 2018 (14:52 IST)

మన శరీరానికి పోషకాలు అందించడంలో జొన్నలు ప్రముఖ పాత్ర వహిస్తాయి. వెనుకటి కాలంలో జొన్నలను ఆహారంలో భాగంగా ఎక్కువగా ఉపయోగించేవారు. జొన్న సంకటి, జొన్న రొట్టెలు లాంటివి చేసుకుని తినేవారు. అందువల్ల అప్పట్లో మనుషులు వ్యాధుల బారిన పడకుండా దృఢంగా ఉండేవారు. ప్రస్తుత కాలంలో సరైన పోషకాలు లేని ఆహారం తీసుకోకపోవడం వల్ల అనేక రకములైన అనారోగ్య సమస్యలతో ఇబ్బందులు పడుతున్నారు. ముఖ్యంగా జొన్నలు వాడకం బాగా తగ్గింది. ఇందులో అనేక రకములైన పోషకాలు దాగి ఉన్నాయి. అవేంటో చూద్దాం.
 
1. జొన్నల్లో పిండిపదార్థాలు, చక్కెరలు, పీచు పదార్థం, ప్రోటీన్లు పుష్కలంగా ఉన్నాయి. వీటిలో విటమిన్ బి1, బి2, బి3, బి5 విటమిన్లు క్యాల్షియం, ఐరన్, ఫాస్పరస్, పొటాషియం, సోడియం వంటి ఖనిజ లవణాలు ఉంటాయి.
 
2. పీచు పదార్థం పుష్కలంగా ఉండటంతో జొన్నలు జీర్ణకోశానికి మేలు చేస్తాయి. అంతేకాకుండా శరీరంలోని చెడు కొవ్వుని నియంత్రిస్తాయి. రోగనిరోధక శక్తిని పెంచుతాయి. ఎముకల దారుఢ్యాన్ని మెరుగుపరుస్తాయి.
 
3. జొన్నల్లో ప్రోటీన్సు, ఫైబర్ అధిక మొత్తంలో లభిస్తుంది. అధిక బరువుతో బాధపడేవారు ఈ జొన్నలని ప్రతిరోజు ఆహారంలో చేర్చుకోవడం వల్ల మంచి ఫలితం ఉంటుంది. జొన్నలు త్వరగా ఆకలి కాకుండా చూస్తాయి.
 
4. వీటిల్లో నియాసిన్ అనే బి6 విటమిన్ ఉంటుంది. ఇది తీసుకున్న ఆహారం మొత్తం జీర్ణమై శక్తిలాగా మారడానికి ఉపయోగపడుతుంది. అందువల్ల శరీరంలోని క్యాలరీలు పేరుకుపోకుండా ఉంటాయి. తద్వారా శరీర బరువు తగ్గుతుంది. 
 
5. జొన్నలు బాలింతలకు చాలా మంచివి. వీటిల్లో ఉండే ప్రోటీన్సు పిల్లల ఎదుగుదలకు చక్కగా ఉపయోగపడతాయి.
 
6. క్యాన్సర్, మధుమేహం వంటి వ్యాధులను దూరం చేసేందుకు జొన్నలు ఎంతగానో సహకరిస్తుంది. అందుకే సరైన ఆరోగ్యానికి జొన్నలు చాలా అవసరం. 
 
7. జొన్నలు శరీర నిర్మాణానికి తోడ్పడే ప్రోటీన్లు, శక్తినిచ్చే పదార్దాలతో పాటు రక్త వృద్దికి తోడ్పడే ఇనుము, ఫోలిక్ ఆమ్లాన్ని శరీరానికి అందిస్తుంది. అయితే ఇతర ధాన్యాల కన్నా జొన్నల్లో ఇనుము, జింకు ఎక్కువగా ఉంటాయని ఆరోగ్య నిపుణులు అంటున్నారు. కొందరికి జొన్నలనగానే పశువులకు పెట్టేవి మనం తినడమా అనుకుంటారు కానీ అది వాస్తవం కాదు. జొన్నల్లో పోషకాలు వున్నాయి.



దీనిపై మరింత చదవండి :  

Loading comments ...

ఆరోగ్యం

news

నడుము నాజూగ్గా మారాలంటే.. పాప్‌కార్న్ తినాల్సిందే..

నడుము నాజూగ్గా మారాలంటే.. పాప్‌కార్న్ తినాల్సిందేనని న్యూట్రీషియన్లు అంటున్నారు. ...

news

నిమ్మరసంతో పండ్లు, కూరగాయలను శుభ్రం చేస్తే?

మార్కెట్లలో తెచ్చుకున్న కూరగాయలు, పండ్లను నీటిలో అలా ఇలా కడిగేసి వాడేస్తున్నారా? అయితే ...

news

#WorldBloodDonorDay : రక్తదానం వల్ల రక్తదాతకు కలిగే లాభమేంటి?

డబ్బుదానం చేయవచ్చు.. అన్నదానం చేయవచ్చుకానీ.. అన్ని దానాల కంటే ముఖ్యమైనది రక్తదానం. ...

news

పాలను కలిపిన టీని సేవిస్తున్నారా?

తేయాకు మంచిదే. అందుకే రోజుకు రెండు కప్పుల టీ తాగాలని ఆరోగ్య నిపుణులు సూచిస్తున్నారు. ...