సమ్మర్ టిప్స్: చెమట స్మెల్‌కు కర్పూరంతో చెక్
వేసవిలో చర్మం, కంటిపై ప్రత్యేక శ్రద్ధ తీసుకోవాలి. కంటి మంటను నివారించుకునేందుకు కీరదోసను ఉపయోగించాలి. కీరదోస ముక్కల్ని కట్ చేసి కంటిపై ఉంచితే ఉష్ణం తగ్గడంతో పాటు కంటి కిందటి వలయాలను తొలగించుకోవచ్చు. అలాగే చర్మ సంరక్షణపై ప్రత్యేక దృష్టి పెట్టాలి.
జిడ్డు చర్మానికి చెక్ పెట్టాలంటే.. మొటిమల నుంచి దూరంగా ఉండాలంటే.. ఫ్యాటీయాసిడ్స్ గల సబ్బుల కంటే ఆయిల్ ఫ్రీ సోపులు వాడొచ్చు. వీటిని ఉపయోగించడం ద్వారా వేసవిలో తాజాగా ఉండొచ్చు. ఆయిల్ ఫ్రీ క్లెన్సర్, టోనర్, మాయిశ్చరైజర్లు వంటివి ఉపయోగించవచ్చు.
అలాగే కీరదోస, ఖర్బూజ రసం చెరో రెండు స్పూన్లు తీసుకుని ఒక స్పూన్ సున్నిపిండి చేర్చి పది నిమిషాల తర్వాత కడిగేస్తే జిడ్డు చర్మాన్ని తొలగించుకోవచ్చు. ఇంకా రెండు స్పూన్ల కొబ్బరి నీరు, తేనె కలిపి ముఖం, మెడ, చేతులకు రాసుకుని పది నుంచి 30 నిమిషాల తర్వాత కడిగిస్తే చర్మం తాజాదనాన్ని సంతరించుకుంటుంది.
స్నానం చేసేటప్పుడు చెమట స్మెల్ రాకుండా ఉండాలంటే.. గోరువెచ్చని నీటిలో కాస్త వేపాకును వేసుకోవాలి. అలాగే ఒక బకెట్ నీటిలో అరస్పూన్ కర్పూరం చేర్చి ఆ నీటితో స్నానం చేస్తే.. చెమట వాసన ఉండదు. వేసవిలో ముఖానికి ఫ్రూట్స్‌తో కూడిన ఫేషియల్ చేయడం మంచిది.
ఆపిల్, అరటి పండు, కర్భూజ, కీరదోస, కొబ్బరినీళ్లను ముఖానికి రాసుకోవడం ద్వారా చర్మాన్ని సంరక్షించుకోవచ్చు. వేసవిలో బయట తిరగాల్సి వచ్చినప్పుడు కొబ్బరి నీరు, ఆరెంజ్, నిమ్మరసం తాగడం మంచిదని ఆరోగ్య నిపుణులు అంటున్నారు.
