గురువారం, 28 మార్చి 2024
  1. ఇతరాలు
  2. ఆరోగ్యం
  3. చిట్కాలు
Written By CVR
Last Updated : సోమవారం, 20 అక్టోబరు 2014 (16:52 IST)

ఆరోగ్యమే మహాభాగ్యం.... కొన్ని చిట్కాలు!

వర్షాకాలం వచ్చిందంటే ఇళ్లలోకి దోమలు, చీమలు చొరబడతాయి. ఎన్ని క్రిమి సంహారక మందులు ఉపయోగించినా వాటి నుంచి తప్పించుకుని మరీ ఒకటో రెండో దోమల వంటి ఇతర కీటకాలు ఇళ్లలోకి వచ్చి కుట్టిపోతుంటాయి, తద్వారా అవి కుట్టిన చోట దురద, మంట, కొన్ని కీటకాలు కుట్టినట్లైతే శరీరం అంతా దద్దులు ఏర్పడడం వంటి జరుగుతుంటాయి. అంటువంటి సమస్యల అడ్డుకట్టకు దోమైనా, చీమైనా, ఏ కీటకమైన కుట్టిందంటే, వెంటనే అది కుట్టిన చోట టూత్ పేస్ట్ రాస్తే సరి, వెంటనే ఉపశమనం కలుగుతుంది. 
 
ఇంటిలో నుంచి ఉదయం ఉద్యోగానికి వెళ్లి రోజంతా కంప్యూటర్ ముందు కూర్చుని పనిచేసి సాయంత్రం ఇంటికి వచ్చారా, కళ్లు అలసి పోయి మూసుకు పోతున్నాయా అయితే వెంటనే ఫ్రీజర్‌లో టీ స్పూన్ ఉంచి దాంతో కనురెప్పల మీద మృదువుగా అద్దుతూ ఉండండి. అలా పది నిమిషాల పాటు చేసి చూడండి. కళ్లు ఫ్రెష్ అవుతాయి. ముఖంలో టయార్డ్ మాయమవుతుంది. ఐస్ క్యూబ్‌తో ముఖంపై మెల్లగా రుద్దితే వెంటనే విశ్రాంతి లభిస్తుంది. ముఖ తేజస్సు పెరుగుతుంది.