వివాదాస్పదమైన బీబీసీ సీరియల్.. బుల్లితెర ప్రేక్షకుల ఆగ్రహం..ఎక్కడ?
ప్రపంచవ్యాప్తంగా పాపులర్ అయిన బీబీసీ ఛానెల్లో తాజాగా ప్రసారం అవుతున్న ఓ టీవీ సీరియల్ వివాదాస్పదంగా మారింది. బీబీసీలో ప్రసారమవుతోన్న ఈ సీరియల్ కామాంధులను కనువిందు చేస్తోంది. ఈ సీరియల్ నిండా బూతులు సీన్లు, పోర్న్ సీన్లు ఉండటంతో వివాదస్పదమైంది. కుటుంబ వీక్షకులు మాత్రం ఎంతో చిరాకు పడుతున్నారు. బుల్లి తెరపై ఇలాంటివి ప్రసారం కావడం వీల్లేదని, బ్యాన్ చేయాలని బ్రిటన్ ప్రజలు ఆవేశాన్ని వ్యక్తం చేస్తున్నారు.
ఇంతకీ ఆ సీరియల్ ఏంటో తెలుసా..? 17వ శతాబ్దంలో ఫ్రాన్స్ ను పాలించిన చక్రవర్తి లూయిస్-14 జీవితకథ ఆధారంగా 'వర్సల్లెస్' అనే సీరియల్ ని రూపొందిస్తున్నారు. లూయిస్ -14 కామలోలుడన్న విషయం విదితమే. ఆ.. కళను తెరపై చిత్రీకరించడానికి దాదాపు 21 మిలియన్ పౌండ్లు(రూ. 200 కోట్లు) ఖర్చు పెట్టారు. కథానుసారం సీరియల్లో కొన్ని సెక్స్ సీన్లు, నగ్న దృశ్యాలు కూడా చోటు చేసుకున్నాయి.
శృంగార దృశ్యాలని నిండుగా నింపుకొన్న ఈ సీరియల్ బీబీసీకి మంచి కలెక్షన్స్ ని తెచ్చిపెడుతోంది. చారిత్రక కథనం పేరుతో సెక్స్ సీన్లు తెరకెక్కించడాన్ని బ్రిటన్ ఎంపీలు, కుటుంబ హక్కుల కార్యకర్తలు వ్యతిరేకిస్తున్నారు. ఈ సీరియల్ పై ఫ్రాన్స్ లోనూ వ్యతిరేకత ఎదురవుతుంది. మరి ఈ సీరియల్ పై వివాదం ఎక్కడి వరకు వెలుతుందో చూడాలి.
