'హెచ్1-బి' నిబంధనలను కఠినతరం చేయాల్సిందే : అమెరికా
అమెరికాలో హెచ్1బి వీసా బిల్లు మళ్లీ చర్చకు వచ్చింది. హెచ్1-బి వీసా నిబంధనలను కఠినతరం చేసేందుకు ఉద్దేశించిన బిల్లు అమెరికా చట్టసభ(కాంగ్రెస్‌)లోకి మరోసారి ప్రవేశించింది. 'అమెరికా ఉద్యోగాల రక్షణ, పెంపుద
అమెరికాలో హెచ్1బి వీసా బిల్లు మళ్లీ చర్చకు వచ్చింది. హెచ్1-బి వీసా నిబంధనలను కఠినతరం చేసేందుకు ఉద్దేశించిన బిల్లు అమెరికా చట్టసభ(కాంగ్రెస్‌)లోకి మరోసారి ప్రవేశించింది. 'అమెరికా ఉద్యోగాల రక్షణ, పెంపుదల' పేరుతో కాలిఫోర్నియాకు చెందిన రిపబ్లికన్‌ నేతలు డారెల్‌ ఇసా, స్కాట్‌ పీటర్స్‌ ఈ బిల్లును కాంగ్రెస్‌లో బుధవారం ప్రవేశపెట్టారు.
హెచ్1-బి వీసా దుర్వినియోగానికి తాజా బిల్లు అడ్డుకట్ట వేస్తుందని వారు అభిప్రాయపడుతున్నారు. తక్కువ వేతనాలకే విదేశీయులను ఉద్యోగాల్లో నియమించుకోవడం ద్వారా అమెరికన్లకు ఉపాధిని దూరం చేస్తున్న సంస్థలపై చర్యలకు దోహదపడుతుందని చెప్పుకొచ్చారు.
అదేసమయంలో హెచ్1-బి వీసాకు కనీస వేతనాన్ని రూ.67 లక్షలకు(ఏడాదికి) పెంచడం, మాస్టర్స్‌ డిగ్రీ విషయంలో ఇస్తున్న మినహాయింపులను తొలగించడం వంటి మార్పులకు ఈబిల్లు ఉపకరించనుంది. నాణ్యతలేని మాస్టర్స్‌ డిగ్రీ పత్రాలతో అభ్యర్థులు వీసా పొందుతున్నారని ఆరోపణలు ఉన్న విషయం తెల్సిందే.
