రోజూ 100 గ్రాముల చాక్లెట్ తినండి.. మధుమేహాన్ని దూరం చేసుకోండి..!

రోజూ 100 గ్రాముల చాక్లెట్ తినండి.. మధుమేహాన్ని దూరం చేసుకోండి.. అంటున్నారు పరిశోధకులు. రోజుకు వంద గ్రాముల వరకు డార్క్ చాక్లెట్ తీసుకోవడం ద్వారా చక్కెర వ్యాధిని నియంత్రించవచ్చునని లండన్‌లోని వార్విక్ యూనివర్శిటీకి చెందిన పరిశోధకులు జరిపిన పరిశోధనలో ఈ విషయం వెల్లడైంది. చాక్లెట్‌లోని పదార్థాలు ఇన్సులిన్ లెవల్స్‌ను నియంత్రిస్తుందని తద్వారా గుండెపోటు వంటి వ్యాధులకు కూడా చెక్ పెట్టవచ్చును.

వార్విక్ వర్శిటీ నిర్వహించిన పరిశోధనలో 18-69 ఏళ్ల వయస్సు గల 1153 మందిపై జరిపిన పరిశోధనలో తేలిన విషయం ఏమిటంటే.. రోజూ వంద గ్రాముల చాక్లెట్ తినేవారిలో హృద్రోగ సమస్యలు, డయాబెటిస్ సమస్యలు చాలామటుకు తగ్గిందనేదే. చాక్లెట్ తయారీలో ఉపయోగించే కోకో పదార్థం మధుమేహాన్ని నియంత్రిస్తుందని పరిశోధనలు తెలిపారు.

ఈ పరిశోధనలో 24.8 గ్రాముల చాక్లెట్ రోజువారీ తీసుకునే 80 శాతం మందిలో చురుకుదనం పెరిగిందని పరిశోధకులు చెప్పారు. అలాగే చాక్లెట్ రోజువారీ తీసుకునే పిల్లలు శారీరకంగానూ, మానసికంగానూ యాక్టివ్‌గా ఉన్నట్లు.. విద్యాభ్యాసంలో ముందున్నారని వారు చెప్పుకొచ్చారు.