శుక్రవారం, 29 మార్చి 2024
  1. వార్తలు
  2. తెలుగు వార్తలు
  3. అంతర్జాతీయ వార్తలు
Written By ivr
Last Modified: శుక్రవారం, 22 ఆగస్టు 2014 (12:49 IST)

కోరె గ్రిఫిన్ 'ఐస్ బకెట్ ఛాలెంజ్' రూపకర్త... నీటిలో మునిగి ‌మృతి

'ఐస్ బకెట్ ఛాలెంజ్' అనే విరాళాల సేకరణ కార్యక్రమంలో ప్రపంచ వ్యాప్తంగా ఎంతోమంది పాల్గొంటున్నారు. హాలీవుడ్, బాలీవుడ్ తారలతోపాటు దక్షిణాదికి చెందిన సెలబ్రిటీలు కూడా ఐస్ బకెట్ ఛాలెంజ్‌లో పాల్గొని ఇతరులకు సవాల్ విసురుతున్నారు. హన్సిక, అక్షయ్ కుమార్ వంటి తారలు ఇందులో పాల్గొని ఇతరులకు సవాల్ విసిరారు. 
 
ఇంతగా ఆదరణ పొందుతున్న 'ఐస్ బకెట్ ఛాలెంజ్' రూపకర్త అయిన కోరె గ్రిఫిన్ ఆగస్టు 16న మసాచుసెట్స్ లోని నాంటుకెట్ సముద్ర తీరంలో జరిగిన ఒక ప్రమాదంలో సముద్రంలో మునిగి చనిపోవడం విషాదం. కోరెకి డైవింగ్ చేయడం అలవాటు. ఐతే అది ప్రమాదానికి దారి తీసి సముద్రంలో మునిగి మృతి చెందారు. 27 సంవత్సరాలకే ప్రపంచవ్యాప్త గుర్తింపు సాధించిన కోరె మరణంపై ఐస్ బకెట్ ఛాలెంజర్స్ సంతాపం వ్యక్తం చేస్తున్నారు.