శుక్రవారం, 29 మార్చి 2024
  1. వార్తలు
  2. తెలుగు వార్తలు
  3. అంతర్జాతీయ వార్తలు
Written By pnr
Last Updated : గురువారం, 25 మే 2017 (09:06 IST)

చేతిలో అణ్వాయుధాలున్న పిచ్చోడు కిమ్‌.. వాడితో ఎపుడైనా ప్రమాదమే : డోనాల్డ్ ట్రంప్

ఉత్తర కొరియా అధ్యక్షుడు కింగ్ జాంగ్ ఉన్‌‌ను చూస్తే అమెరికా అధ్యక్షుడు డోనాల్డ్ ట్రంప్‌కు ముచ్చెమటలు పోస్తున్నాయి. ఎపుడు.. ఎక్కడ తమపై అణ్వాయుధాలతో దాడి చేస్తాడేమోనన్న భయం ఆయనలో స్పష్టంగా కనిపిస్తోంది.

ఉత్తర కొరియా అధ్యక్షుడు కింగ్ జాంగ్ ఉన్‌‌ను చూస్తే అమెరికా అధ్యక్షుడు డోనాల్డ్ ట్రంప్‌కు ముచ్చెమటలు పోస్తున్నాయి. ఎపుడు.. ఎక్కడ తమపై అణ్వాయుధాలతో దాడి చేస్తాడేమోనన్న భయం ఆయనలో స్పష్టంగా కనిపిస్తోంది. అందుకే చేతిలో అణ్వాయుధాలున్న పిచ్చోడుగా కిమ్‌ను ట్రంప్ అభివర్ణించాడు. ఫిలిప్పీన్స్ అధ్యక్షుడు రోడ్రిగోతో ట్రంప్‌ గత నెలలో జరిగిన అంతరంగిక ఫోన్ సంభాషణ వివరాలను వాషింగ్టన్ పోస్ట్‌ తాజాగా బయటపెట్టింది. 
 
'కిమ్‌ మానసిక స్థితి సరిగానే ఉందా' అని ఫోన్‍లో రోడ్రిగోను ట్రంప్‌ అడిగారు. అందుకు రోడ్రిగో స్పందిస్తూ, 'కిమ్‌ అణుబాంబులను ఆటవస్తువులనుకుంటున్నాడు. అతని మానసిక స్థితి సరిగా లేదు. ఏదో క్షణంలో దుందుడుకు చర్యకు పాల్పడతాడని సందేహంగా ఉంది' అన్నారు. 
 
‘అణ్వాయుధాలు చేతిలో ఉన్న పిచ్చివాడిని అలా వదిలేస్తే లాభం లేదు. ఉత్తర కొరియా కంటే ఎన్నో 20 రెట్లు అధికంగా మా దగ్గర అణ్వాయుధాలున్నాయి. కానీ వాటిని మేం అడ్డగోలుగా ఉపయోగించం. కిమ్‌ ఇటీవల చేపట్టిన అణుపరీక్షలు కొన్నైనా విఫలం కావడం మంచిదే అయింది’ అని ట్రంప్‌ బదులిచ్చారు. వీరిద్దరి మధ్య జరిగిన ఫోన్ సంభాషణ అంతా ఉత్తర కొరియా చుట్టూనే తిరిగింది.