టీవీ షోకు ట్రంప్ భారీ డీల్ ఆఫర్.. రూ.67 కోట్లు ఇవ్వండి.. బెర్నీతో డిబేట్కు రెడీ!?
రిపబ్లికన్ పార్టీ నుంచి అమెరికా అధ్యక్ష అభ్యర్థిత్వం ఖరారుచేసుకున్న డొనాల్డ్ ట్రంప్ నోరువిప్పితేనే సంచలనం. ఎప్పుడూ వివాదాస్పద వ్యాఖ్యలతో అందరినీ తన వైపు తిప్పుకునే డొనాల్డ్ ట్రంప్ మీడియా సంస్థలకు భారీ డీల్ ఆఫర్ చేశారు. గత ఏడాది కాలంగా టెలివిజన్లో ట్రంప్ డిబేట్లకు రికార్డు స్థాయి వ్యూయర్షిప్ వస్తోంది.
ఈ నేపథ్యంలో డెమోక్రటిక్ పార్టీ నుంచి అమెరికా అధ్యక్ష పదవి అభ్యర్థిత్వం ఆశిస్తున్న బెర్నీ శాండర్స్తో తన చర్చ జరగాలంటే రూ.67 కోట్లు (పది మిలియన్ డాలర్లు) ఇస్తే ఓకే అన్నారట. బెర్నీ శాండర్స్ కూడా ట్రంప్తో చర్చకు సిద్ధమేనన్నారు. అయితే ట్రంప్ భారీ డీల్ ఆఫర్కు సదరు మీడియా సంస్థ యాజమాన్యానికి కళ్లు జిగేల్మన్నాయి. అలా సదరు మీడియా సంస్థ నుంచి వచ్చే డబ్బును ఛారిటీలు, ఎన్జీవోలకు విరాళంగా ఇస్తానని కూడా ట్రంప్ ప్రకటించారు.
బెర్నీ శాండర్స్తో తన డిబేట్ అంటే ఆ టెలివిజన్ షోకు మంచి రేటింగ్ వస్తుందని.. తద్వారా మంచి కలెక్షన్స్ వస్తాయి. టెలివిజన్ ఇండస్ట్రీ వ్యాపారం గురించి తనకు బాగా తెలుసునని అందుకే భారీ మొత్తాన్ని ఆఫర్ చేసినట్లు డొనాల్డ్ ట్రంప్ నార్త్డకోటాలోని బిస్మార్క్లో రిపబ్లికన్ నామినీగా తగిన ప్రతినిధుల మద్దతు సాధించుకున్న అనంతరం మీడియాతో మాట్లాడుతూ వెల్లడించారు.
బెర్నీతో డిబేట్ అంటే తనకు చాలా ఇష్టమన్నారు. ఆ షో ద్వారా పది నుంచి పదిహేను మిలియన్ డాలర్లు సేకరించగలిగితే మహిళల ఆరోగ్యం, ఇతరత్రా అంశాల కోసం సహాయపడే ఛారిటీలకు ఇవ్వగలమని ట్రంప్ వ్యాఖ్యానించారు.