డోనాల్డ్ ట్రంప్ వివాదాస్పద వ్యాఖ్యలు: ప్రపంచంలోని ముస్లింలు ఆటవికులుగా..?
ప్రపంచంలోని ముస్లింలందరిపైనా అమెరికా అధ్యక్ష పదవికి పోటీపడుతున్న రిపబ్లిక్ అభ్యర్థి డోనాల్డ్ ట్రంప్ వివాదాస్పద వ్యాఖ్యలు చేశారు. ప్రపంచంలోని ముస్లింలందరూ ఆటవికులుగా మారుతున్నారని వ్యాఖ్యానించారు.
9/11 దాడులను సమర్థిస్తూ, నాటి దాడులను ఎంతో మంది ముస్లింలు సమర్థించారని పేర్కొన్నారు. 9/11 దాడుల తర్వాత అమెరికాలోని ముస్లింలు సంబరాలు జరుపుకున్నారని ట్రంప్ గతంలోనూ పదేపదే వ్యాఖ్యానించారు. అమెరికాలో నివసిస్తున్న అరబ్, ముస్లింల వివరాలు సేకరించాలనే డిమాండ్‌ను తాను సమర్థిస్తున్నానన్నారు.
శనివారం మియామీలో జరిగిన ఎన్నికల ప్రచార సభలో డోనాల్డ్ మాట్లాడుతూ.. 9/11 దాడులను సమర్థించేవారు ఓ సారి చరిత్రను తిరగేయాలని సూచించారు. పాలస్తీనా పోరాటయోధుడు, దివంగత యాసర్ అరాఫత్, లిబియా మాజీ నియంత గడాఫీలు నాటి దాడులను ఖండించారు.
ఇస్లాం ఆచరణే ధ్యేయంగా జీవించిన ఆ ఇద్దరూ అమెరికాపై ఉగ్రవాదుల దాడి సరికాదన్నారు' అని డోనాల్డ్ ట్రంప్ అన్నారు. గడిచిన వారంలో ఫ్లోరిడా, సరసోటాల్లో నిర్వహించిన ప్రచారసభల్లోనూ ట్రంప్ ఇదే విధమైన ముస్లిం వ్యతిరేక వ్యాఖ్యలు చేశారు.
