ఇరాక్లో కీలకమైన ఎయిర్‌బేస్‌ ఐఎస్ఐఎస్ మిలిటెంట్ల స్వాధీనం!
ఇరాక్లో ఐఎస్ఐఎస్ తీవ్రవాదులు రెచ్చిపోతున్నారు. ఇప్పటికే ఇరాక్ అంతటా విధ్వంసం సృష్టిస్తున్న ఐఎస్ఐఎస్ ఉగ్రవాదులు పక్కనే ఉన్న మరో ముస్లిం దేశం సిరియాపై పట్టుబిగిస్తున్నారు. సిరియాలోని సైనిక స్థావరాలను స్వాధీనం చేసుకున్న మిలిటెంట్లు సైనికులను బందీలుగా పట్టుకున్నారు.
ఈ క్రమంలో కీలకమైన ఎయిర్ బేస్ ఒకటి ఐఎస్ఐఎస్ ఉగ్రవాదుల వశమైంది. ఎయిర్ బేస్‌తో పాటు అక్కడ ఉన్న ఫిరంగులు, ఆయుధాలు ఉగ్రవాదుల స్వాధీనం చేసుకున్నారు. ఈ మేరకు కొన్ని ఫోటోలను ఐఎస్ఐఎస్ సోషల్ మీడియాలో విడుదల చేసింది. దీంతో సర్వత్ర ఆందోళన వ్యక్తమవుతోంది. ఈ తివ్రవాదుల ఆగడాలను ఇరాక్, సిరియా ప్రభుత్వ బలగాలు కూడా అడ్డుకోలేక పోతున్నాయి. దీంతో వారు మరింతగా పెట్రేగిపోతున్నారు.
