జిహాద్ స్కూల్స్‌లో ముక్కుపచ్చలారని చిన్నారులు.. AK-47?
జీహాద్ స్కూల్స్‌లో ముక్కుపచ్చలారని చిన్నారులకు శిక్షణ ఇస్తున్నారు. సిరియా, ఇరాక్‌లో భయానక దాడులకు తెగబడుతున్న ఇసిస్ ఉగ్రవాదులు.. చిన్నారులను కూడా ఉగ్రవాదం వైపు మళ్లించేందుకు స్కూల్ ఆఫ్ జిహాద్ పేరిట.. పాఠశాలనే ప్రారంభించారట.
చిన్న వయసులోనే వారికి ఏకే-47 తరహా ఆయుధాలను వినియోగించే తీరును కూడా నేర్పిస్తున్నారట. సదరు శిక్షణను పూర్తి చేసుకున్న పిల్లలకు గ్రాడ్యుయేషన్ పేరిట డిగ్రీలను కూడా ఇసిస్ ఉగ్రవాదులు అందిస్తున్నారు.
ఈ మేరకు సంస్థ అధికారిక మీడియా విభాగాలుగా పరిగణిస్తున్న మౌసిస్సాత్ అల్ ఫర్కాన్, ఆల్- ఇ తిసామ్ మీడియాలు విడుదల చేసిన వీడియోలే ఇందుకు ప్రత్యక్ష సాక్ష్యాలుగా నిలుస్తున్నాయి. తమ వ్యతిరేకులను అత్యంత దారుణంగా తలలు తీసి హతమారుస్తున్న సందర్భంగా రికార్డు చేసిన వీడియోలను స్కూల్ ఆఫ్ జిహాద్‌లో పదేళ్ల లోపు పిల్లకు చూపిస్తున్నారు.
