పిల్లి ప్రేమంటే ఇదేనేమో?.. చట్టం అనుమతిస్తే.. పిల్లిని పెళ్లి కూడా.. రూ.1400కోట్ల ఆస్తి?
ప్రపంచంలోనే అత్యధిక ధనవంత జంతువుగా చౌపెట్టె అనే పిల్లి రికార్డు సాధించింది. ప్రముఖ జపాన్ డిజైనర్, పారిశ్రామిక వేత్త కార్ల్ లాగర్ ఫెల్డ్ అనారోగ్యం కారణంగా రెండు రోజుల క్రితం ప్రాణాలు కోల్పోయాడు. ఈయన మృతి ఆయన కుమార్తెకు తీరని లోటును మిగిల్చింది. కార్ల్ లాగర్ తన ఇంట చౌపెట్టె అనే పిల్లిని పెంచాడు. ఆ పిల్లి అంటే కార్ల్‌కు చచ్చేంత ప్రేమ.
ఎప్పుడూ తన పిల్లితో తిరిగే వాడు. చట్టం అనుమతిస్తే తన పెంపుడు పిల్లిని పెళ్లి కూడా చేసుకుంటానని ప్రగల్భాలు పలికాడు. ఈ నేపథ్యంలో కార్ల్ మరణిస్తూ ఆ పిల్లిపై భారీ ఆస్తిని కూడా రాసిపెట్టేశాడు. బతికివున్నప్పుడు ఆ పిల్లిని ప్రేమగా పెంచిన కార్ల్.. చనిపోయాక కూడా ఆ పిల్లిపై ప్రేమతో దాదాపు రూ.1400 కోట్ల విలువగల ఆస్తిని రాసిపెట్టాడు. ఆ పిల్లికి భద్రత కోసం గార్డియన్లను కూడా నియమించాడు.
ఎనిమిదేళ్ల ఆ పిల్లి వెండి పల్లెంలోనే ఆహారం తీసుకుంటుంది. ప్రపంచంలోనే బాగా ప్రాచుర్యమైన బ్రాండ్ వస్తువులనే వాడుతోంది. ఆ పిల్లి ధరించే దుస్తులు భారీ విలువతో కూడినవని.. ఈ పిల్లికి సంబంధించిన ఫోటోలు.. ఆ పిల్లి లైఫ్ స్టైల్ చూస్తే విస్తుపోవాల్సింది. ప్రస్తుతం కార్ల్ లాగర్ ఫెల్డ్ ఇన్‌స్టాగ్రామ్‌లో ఈ ఫోటోలు వైరల్ అవుతున్నాయి.
